Loiuko Lauro ikastolako 'Butroetxe' proiektuak irabazi dau

Bizkaie! 2023-06-05 10:53   Pil-pilean

Elhuyar Zientzia Azokako sariak emon ditue Bilbon.

Bilboko Arenalean egindako sari-banaketeagaz amaitu da 2023ko Elhuyar Zientzia Azokea. Elhuyar Zientzia Azokearen babesleek eta Elhuyarreko kideek emon ditue 8 kategoriatako sariak:

- Arratia BHI ikastetxeko Mendikateak eraikiz proiektuak jaso dau Ciencia en Acciónen parte hartzeko aukerea. Saria Danel Solabarrieta Arrizabalagak emon deutse, Elhuyar Zientzia Azokaren
arduradunak.

- Muskizeko CF Somorrostro ikastetxeko Ba al dakite kontatzen landareek proiektuak jaso du Galiciencia azokan parte hartzeko aukerea. Saria Maria Rubio Zabalak emon deutse Kutxa Fundazioko Proiektu eta Gizarte Barrikuntzaeren arduradunak.

- Loiuko Lauro ikastolako Butroetxe proiektuak jaso dau Galiziako Open Science Cambre azokara joateko aukerea. Saria Inmaculada Arostegui Madariagak emon deutse, Euskal Herriko Unibersidadeko Ikerketearen Arloko errektoreordeak.

- Loiuko Lauro ikastetxeko Marterako bidaiariak proiektuak jaso dau Feria de la Ciencia de Granada azokan parte hartzeko aukerea. Saria Arola Urdangarik Ferreirak emon deutse, Akitania-Barria Euskadi Nafarroa Euroeskualdeko zuzendariak.

- Gernikako San Fidel ikastetxeko Aurrezpen-sistema komunitoarioa kiroldegietan proiektuak jaso dau Galiziako Ciencia en la calle azokara joateko aukerea.Saria Isabel Sarrioandia Ibarrak eman die, Bizkaiko Foru Aldundiko EnpresakSustatzeko Zerbitzuaren buruak.

- Amorebieta-Etxanoko Lauaxeta ikastolako Ekonomia zirkularra erabiliz, moluskoen oskolekin egindako material berria proiektuak jaso dau Kataluniako Expo-recerca azokara joateko aukera. Saria Amaia Agirre Pinedok eman die, Eusko Jaurlaritzako Ikaskuntzaren eta Hezkuntza Berrikuntzaren zuzendariak.

- Coruñako IES Rosalía de Castro ikastetxeko Muñeca De Reanimación proiektuak jaso dau Portugalgo Mostra Nacional de Ciencia Portuguesa azokan parte hartzeko aukerea. Saria Koldo Narbaiza Olaskoagak emon die, Bilboko Udaleko Euskera eta Hezkuntza Saileko zinegotziak.

- Loiuko Lauro ikastolako “Mikroplastikoen eragina indaba landareen hazkuntzan” proiektuak jaso dau Italiako “I giovani e le scienze” azokara joateko aukerea. Saria Jon Abril Olaetxeak emon deutse, Elhuyarreko koordinatzaile nagusiak.

Egindako lan onagaitik, zenbait mailatako beste 18 taldek be Elhuyar Zientzia Azokearen aitamena eta sareko ikerketa-zentroetan egiteko egonaldiak eskuratu ditue.

Elhuyar Zientzia Azokea

Aurtengo Elhuyar Zientzia Azokeak bagilaren 2tik 4ra izan da eta Bilboko Arenalean. Bertan 200 proiektutik gora egon dira ikusgai eta 60 ikastetxetako 700 gaztek hartu dabe parte. Euskal Herriko ikastetxeetako gazteez gan, Espainiako eta nazinoarteko azoketako saridunak be izan dira.

Elhuyarrek atondutako Elhuyar Zientzia Azoka ekimenak Eusko Jaurlaritzako Hezkuntza Sailaren, Euroeskualdearen, FECYTen (Fundación Española para la Ciencia y la Tecnología, Zientzia, Barrikuntza eta Unibersidade Ministerioaren, Kutxa Fundazinoaren, Bizkaiko Foru Aldundiaren, Bilboko Udalaren, Nafarroako Gobernua eta Erabiren laguntzea jasoten dau.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu