'Hiru kortse, azukre asko eta brandy gehiegi' lanak irabazi dau XXIII. Donostia Antzerki Saria

Kamikaz Kolektiboa | Ikusi handiago | Argazki originala

Donostiako Udaleko Euskera Zerbitzuak eta Donostia Kulturak atondutako XXIII. Donostia Antzerki Sariko epaimahaiak balio handia emon deutso sorkuntza propioa izateari eta, batez be, antzezleek eurek bideratutako sorkuntza prozesua izateari: Testua sortu eta testuaren taularatzea zuzendu eta antzeztu persona berberek egiten dabe eta testua idaztera eroan dituen galderek, eztabaidek eta hausnarketek indar handia hartzen dabe taula gainean. Emoitza bikaina lortu dabe epaimahaiaren ustez eta hizkuntzearen aldetik be kalidade handiko lana dala azpimarratu dau epaimahaiak. Antzezleen lana be goraipatu dabe, antzezleek indarrez, umoretsu eta irudimenez beterik taularatu dabelako lana eta edozein idea eszeniko taula gainean gauzatu daitekeela erakutsiz.

Ainhoa Alberdi Gisasola eta Iraia Elias Muniain (TTak Teatroa).

Kamikaz Kolektiboak eta Ttak Teatroak 12.000 euro eta Ramon Zuriarrain-en artelana jasoko ditue saritzat. Saria emoteko ekitaldia martiaren 27an izango da, Antzerkiaren Nazinoarteko Egunean, arratsaldeko 19:30ean, Victoria Eugenia Antzokian. Ekitaldiaren hasieran saria emon eta gero lan irabazlea eskainiko da.

Gonbidapenak martiaren 26an egongo dira eskuragarri Victoria Eugenia Antzokiko leihatilan, goizeko 11:30etik aurrera.