Etnografiako artikuluen seigarren bildumea kalean

Bizkaie! 2022-10-06 08:09   Kulturea

Gurean zer berri? Zaharrak berri bildumako seigarren alea liburu formatuan argitaratu dau Labayru Fundazinoak. Astean-astean Etnografia atalak blogean plazaratzen dituen artikulu hautatuak irakurri geinkez liburuan, igazko uztatik hartuak.

Hamabi artikuluko bildumea da, eta danetariko gaiak lantzen dira, bizimodu tradizionalaren barri emoteko: ohiturak, lanbideak, jantziak... Batzuk lokalak dira eta beste batzuk orokorragoak. Labayru Fundazinoagaz lankidetzan ibilten diran adituek idatzi ditue artikuluok.

Testuak hiru hizkuntzatan irakurri leitekez: euskeraz, gaztelaniaz eta ingelesez. Hau da zerrendea:

- Miguel Sabino Díaz: Bizkaiko Karrantza Haraneko ikazkintza.

- Joseba Santxo Uriarte: Urteko hilak euskaraz.

- Antzasti-Euskaldunon etxea: Arratiako tranbia: bizitza tradizionaletik modernitaterako bidaia.

- Josu Larrinaga Zugadi: Abarketa berriak erromeriarako.

- Luis Manuel Peña: Lehen eta orain.

- Itziar Rotaetxe: Ardiak mozteko sasoia ere badator!.

- Zuriñe Goitia: Hondartzak landa-eremuetan. Bakioko adibidea.

- Emilio Xabier Dueñas: Aurresku baten lehenengo filmazioa… eta bera andereñoena.

-Fernando Hualde: Irunberriko buztin-eskuak.

- Akaitze Kamiruaga: Anguletan!.

- Segundo Oar-Arteta: Morroiak eta kriadak.

- Ziortza Artabe Etxebarria: Ez dago Gabonik karakol bakorik.

Liburua erosteko hemen.