BBK Artearen Ibilbidea

Bilboko Arte Eder Museoaren ondare artistikoa Bizkaiko herritarrei hurreratzeko sortutako BBK Artearen Ibilbidea ekimenaren hirugarren edizinoa. Museoko obra batzuen kalidade handiko erreprodukzinoak dira erakusketearen oinarria. Aurtengo edizinoaren berezitasuna da aukeratutako artelanak batzen dituan gai nagusia, emakumeak hain zuzen. Arte Eder Museoko bilduman emakumeek daben presentziaren barri emotea da helburua, artista lez zein obretako gai lez.

Panel handietan erakutsiko ditue aukeratutako obrak, XV. mendetik gaur egunera arteko 40 lan. Bereizmen handiko erreprodukzinoakaz batera, obra bakotxaren azalpena dakar erakusketeak, euskeraz, gaztelaniaz, frantsesez eta ingelesez. Informazino hori eta audioak QR kode bidez deskargau leitekez.