Ur Mara Alkizan, eskaintza kulturala aberasteko asmoz

Bizkaie! 2022-05-20 11:34   Kulturea

Ur Mara egonaldien bidez sormena askatzea eta natureagaz bat egitea dira helburuak. Sorkuntza artistikoa eta gainerako jakintza-diziplinak lotuko dituan proiektu barritzailea da. Artista eta sortzaileak ez eze, zientzialariak, pentsalariak, irakasleak eta jakingurea daben herritarrak sormen prozesuan partaide egin nahi ditue.

Alkiza landa-eremuko sorgune moduan erreferente izatea nahi dabe atontzaileek horrek onurak ekarriko deutsozalako herriari eta herri-nortasuna sendotuko dauelako.

Jakintza-eremuean artean interakzinoa sortuko da. Sormena alor guztietan da beharrezkoa eta edonor da kapaz berea adierazoteko.

Parte-hartzaileek Natura 2000 sarearen barruan autortutako ingurune batean ikasi eta esperimentetako aukerea izango dabe.

Ikasleek bidelagun izango ditue Ur Mara Museoko sortzaileak: Elena Cajaraville eta Koldobika Jauregi. Gainera, beste esparru batzuetako adituen ikusmoldea ezagutzeko modua izango dabe.

Ur Mara egonaldiak hezitzaileei, ikasleei eta, oro har, artea maite dabenei zuzenduta dagoz: Eginez ikasiko dogu, entzunez, berba eginez, ikusiz, ikutuz, gogoeta eginaz, apurtuz...

Egonaldiak

- Bagilaren 27tik garagarrilaren 2ra.
- Garagarrilaren 18 garagarrilaren 23ra.

Lantaldea

- Koldobika Jauregi.

- Elena Cajaraville.

Gonbidatuak

- Aarantzazu Aranburua: geologian doktorea.

- Itziar Garate Lopez: astrofisikaria.