Erriberriko Antzerki Jaialdia: 38 ikuskizun, musikea, jantzak eta zirkua buztartuz

| Ikusi handiago | Argazki originala

Erriberriko hogeita hirugarren Antzerki Jaialdia garagarrilaren 15etik 31ra izango da eta, lehenengoz emakume bi izango dira zuzendaritza artisktikoan, Ane Pikaza eta Maria Goiricelaya. Diziplina anitzeko programazinoa atondu dabe musikea, jantzak eta zirkua buztartuz, antzerkiaz gan. 2022an egingo dan jaialdiak (azken bi edizinoetan pandemiaren ondorioz izandako murrizketa barik) artista gazteak eta nazinoko eta nazinoarteko agertokietan entzute handiko artistak (Aitana Sánchez Gijón aktorea edo Cesar Brie zuzendaria, besteak beste) eta Nafarroako konpainia ugari alkartuko ditu.

Erriberrik, danetara, 38 ekitaldi eta 22 ikuskizun programau atondu ditu, horreetatik, 11 emakumeek sortu, idatzi edo zuzendu ditue; bederatzi Nafarroako konpainienak dira, naziboartekoak bi (Bolivia eta Mexiko), bat inklusiboa eta bat euskerazkoa, familientzako. Gainera, jaialdiak arte-egoitza bi izango ditu, bakotxa erakusketa bigaz.

Era berean, Paco Gamez antzerkigileak agertoki bat buruaren barruan. Antzerki-idazketarako laborategia lantegia emongo dau eta artistakaz, kazetariakaz eta Nafarroako konpainiakaz egingo diran topaketei eutsiko jake.

Lehiaketeak gune barriak be baditu, besteak beste, Erriberriko Ronda del Castillo (La Nevera) eta Tafallako Kondearen Parkea (La Cavari gehituko jakona), Erriberriko Jauregia, Turismo Bulegoa-Ardoaren Museoa, Erriberriko Kultura Etxea, Carlos III.a Nafarroakoaren plaza, Ezpeleta Jauregia, Beireko Kultura Etxea eta Tafalla Kulturgunea.

Rebeca Esnaola Kultura eta Kirol kontseilariak; Ane Pikaza eta Maria Goiricelaya sariketako arte-zuzendariek; Oier Zuñiga kartelaren diseinatzaileak; eta Lorenzo Garcia Echegoyen Nafarroako Gobernuko Kultur Ekintza Zerbitzuko zuzendariak, aurkeztu dabe Baluarten, gaur goizean, Erriberriko 23. Antzerki Jaialdiaren programazinoa.

Esnaolak nabarmendu dauenez, gure eretxiz jaialdiak hazten jarraitzen dau zuzendari barriei esker, berezko zerizana galdu barik, gizarte, bitartekaritza eta parte-hartze alderdietan. Jaialdiak programazino garaikidea, anitza eta askotarikoa dau, sorkuntzearen jokera guztiak barrubatzen dituana, tradizionala ahaztu barik. Kontseilariaren eretxiz, Erriberrik Nafarroako joka espazioaren produkzinoa eta sorkuntzea sustatzeko be balio nahi dau, aukerea dauelako munduari arte eszenikoen inguruko bere ikuspegi garaikidea erakusteko, bai obren bidez, baita beste jarduera batzuen bidez be; gainera, arte-egoitzak lantzeko aukereari esker, esperimentazinorako eta gogoetarako gune bat izateko abagunea dau.

Pikazak eta Goiricelayak aurtengo programazinoa aletu dabe: Belaunaldi guztiei, publiko guztiei eta geure mundua astintzen dabe arazo guztiei begiratzen deutse. Ezbardintasuna ekarri nahi dogu, Nafarroako agertokia bultzatuz eta Erriberri jaialdi handien artean kokatuz, bai Estadu mailan baita nazinoartean be. Jaialdiaren egitura osoa agertoki paritario eta feminista bihurtuz, bardintasuna sustatuz eta inklusinoa besarkatuz, desbardintasunaren arte-balioa normaltasunetik aldarrikatuz.

Zuñigak azaldu dauenez, kartelean antzezle bat agiri da banbalina artean agertokira igon aurretik, geroko minutu magiko horreek, foku bat piztu eta dana hasten deaean. Dana mobiduten dauen argi-bilduma bat, barrutik eta kanporantz. Ilusinoa emozino bihurtuta.

Bestalde, Lorenzo Garciak ikuskizunen ordutegiak eta espazioak gogoratu eta sarreren salmentaren barri be emon dau.