Martxan da Sormene, euskerazko sorkuntzen plazea

Bizkaie! 2022-05-12 13:05 Kulturea

Kulturgintzearen transmisinoa bultzatzea da helburu nagusia.

2022ko udabarriari jagokon egitarauari ekin deutso Sormenek, Sorkuntzen Galdakaoko Plazeak. Gaur bertan, maiatzak 12, ikastetxeetako ikasleentzako tailerrak atondu ditue goizean goizetik, eta iluntzean (20:00) publiko guztientzako emonaldia egongo da Kurtzeko plazan: Metrokoadroka konpainiaren Bidaide antzezlana.

Sormeneko arduradunek azaldu dabenez, egitarau aberatsa eta erakargarria atondu dabe, euskerazko kulturgintzearen transmisinoa bermatzeko oinarriak jartea helburu eta emakumea erdigunean dauena. Izan be, Sormenekoen ustez, euskerazko kulturgintzearen barruan transmisinoa da preminarik handiena dauen alorra.

Transmisinoa jardunbide nagusi bitan landuko dabe 2022ko udabarriko egitarauan: adierazpide guztietako euskerazko kulturgintzearen historia eta oraina zabaltzea, batetik; euskeraz sortzeko gogoa eta grina bultzatzea, bigarrenik.

Gaur hasi da Sormene, eta hurrengo egun eta asteetan proposamen ugari eroango ditu Galdakaora. Hauxe da egitaraua:

- Maiatzak 13, barikua (Kurtzeko plazan)

10:15 eta 12:00etan: Tailerrak ikastetxeentzat (usikea) eta #Mauriziakezdauinorhil ikuskizun barritzailea, Ines Osinaga, Lorea Argarate eta Olatz Salvadorren eskutik.

18:00 eta 20:30: Disko barrien aurkezpenak, Ahotseneagaz alkarlanean.

21:00etan: #Mauriziakezdauinorhil ikuskaria barriro.

- Maiatzak 14, zapatua (Kurtzeko plazan)

11:00-14:30: Kultur Sorkuntzen Azokea. Azokako karpa barruan.

12:00-14:30: Liburu barrien aurkezpenak, Ahotseneagaz alkarlanean, karpan.

17:00-20:30: Kultur Sorkuntzen Azokea. Azokako karpa barruan.

18:00-22:00: Disko barrien aurkezpenak, Ahotseneagaz alkarlanean.

- Maiatzak 15, domekea (Kurtzeko plazan)

13:30ean: Irizarren izarrak. Juan Karlos Irizarri omenaldia. Hauxe da programea:

Da Capo, Galdakaoko Musika Bandea.
Ad Libitum, Galdakaoko Txistulari Bandea.
Maximo Moreno Musika eskolako abesbatzea.

Maiatzak 27, barikua (Torrezabalen)

11:30ean: Album antzezlana ikasleentzat, Formol Laborategia antzerki konpainiaren eskutik.