'Zeharbideak' goiburuari eutsiz, BilbaoPoesia, martiaren 15etik 24ra

| Ikusi handiago | Argazki originala

Bilboko Udalaren ekinbidez, BilbaoPoesíak Bidebarrietako Liburutegiko Areto Nagusian eskainiko ditu errezitaldi, barriketaldi eta kontzertuak.

Jaialdiaren programazinoa doban da baina hitzordu berezi eta intimoak ordindu ehin beharko doguz: lehenengoa martiaren 19an izango da, Christina Rosenvingeren kontzertu eta irakurketea, duo formatuan; eta bigarrena, hilaren 22an, Alberto San Juanen Benedettiri eskainitako errezitaldia. Sarrerak salgai dagoz 5 euroan hemen. 

Christina Rosenvinge, 19an, arratsaldeko 19:30ean

BilbaoPoesian parte hartuko dau kontzertu eta irakurketa duo bategaz. Kantautorea musikearen panorama independenteko ahots ezagunenetako bat da: Un Hombre Rubio diskoa mugarri izan da haren ibilbidean. Argitaratu ebenetik ia hiru urte igaro diranean, albumak honako abesti honeek batzen ditu: Romance de la Plata, Ana y Los Pájaros eta La Flor Entre la Vía.

Rosenvingek 2018ko Musika Aktualen Saria irabazi eban eta kritikearen eta ikusleen autortzea jaso zituan.

Haren lehen Debut liburua aurkezteko atsedenaldi baten ondoren, liburu horretan eragina izan daben literatura, musika eta arte-erreferentziak gurutzatzen ditu. Karen (2021, María Pérez Sanz) filmeko protagonista izan zan eta abesti bi sortu zituan: Camino a Casa eta My Life Again.

Alberto San Juan: Te quiero Bennedetti. Martiaren 22an, 19:00retan

Te quiero, Benedetti (La patria y el exilio) Mario Benedettiri eskanitako omenaldia da, haren poema eta proseagaitik, omenaldia Latinoamerikako eta Espainiako literaturako beste ahots batzuei. Eta horreen guztien bidez, miseria edo jazarpen politikoa gainditzeko, ozeanoaren alde bietan, erbesteratu behar izan eben personei. Benedetti, Cernuda, Giaconda Belli, Galeano, Cristina Peri Rossi, Cortazar eta beste batzuk bidaia honetako partaide izango dira Alberto San Juan aktorearen eta Fernando Egozcue gitarrista eta konpositorearen eskutik.

Belar hostoak. Walt Whitman errezitaldia, Loraldiagaz alkarlanean

BilbaoPoesia eta Loraldia alkarlanean dabiz aurten be eta horren erakusgarri, hilaren 16an, errezitaldia eskainiko daben. Bertan, Amaia Lasa, Andoni Etxebeste, Antxon Sarasua, Dani Venegas, Jon Gurrutxaga eta Urbil Artolak parte hartuko dabe. Amaia Lasak Walt Whitman gaztetan deskubridu eta miretsi eban. Urbil Artolak bere aitaren Belar Hostoak diskoaren bidez ezagutu eban poeta iparramerikarra. Musikearen eta poesiaren arteko bidegurutzean kokatua, Txomin Artolaren Belar Hostoak diskoa dau abiapuntu sorkuntza barri honek, 1978an argitaratu zana.

Gonbidapenak eskuragarri dagoz hemen.