Begoñako Basilikearen 400. urteurrena ONCEren 5,5 miloe kupoitan

Bizkaie! 2021-10-06 12:49   Pil-pilean

Zozketea urriaren 11n egingo da.

ONCEren kupoiak guztira 5,5 milioi kupoi jarri ditu dagoeneko salgai Estatu mailan, Bilboko Begoñako Basilikaren 400. urteurrena ospatzeko. Eguneroko kupoia da, eta urriaren 11n, astelehena, egingo da zozketea.

Kupoiaren zehetasunak emon ditue ezagutzera, Joseba Segura Bilboko Gotzainak; Juan Carlos Andueza ONCEren Euskadiko lurralde-ordezkariak; Eusebio Perez Begoñako Basilikako parrokoak; Gloria Rosende ONCE Euskadiko lurralde Kontseiluko kideak eta Leire Arnal ONCEko agente saltzaileak Begoñako Basilikan bertan egindako aurkezpenean.

Segurak eskerrak emon deutsoz ONCEri ekimenagaitik eta persona itsuen bizi-kalidadea hobetzeko eginkizuna dauen talde soziala goraipatu dau. Bilboko Eleizbarrutia zerbitzu horretara batu gara, gaitasun desbardinak dituen personek osotutako eremu espezifiko bategaz eta, esangura horretan, Bizkaian izandako 25 urteko historia eskertu deutso Segurak itsu katolikoen erakundeari (CECO). 

Bestalde, ONCE Euskadiko lurralde-ordezkari Juan Carlos Anduezak gogorarazo dauenez, igaz pandemiaren ondorioz izandako geldialdiaren ondoren, agente saltzaileek ONCEren joko-produktuak eskaintzen jarraitzen dabe gure herri eta urietako kaleetan eta, aurten, Euskadin 18 miloe euro baino gehiago banatu dira sarietan.

ONCEk Euskadik ekitaldi esanguratsuenetako batzuk jasoten eta islatzen jarraitzen dau eta, holan, herritarrek ONCEren jokoetan jarten duten konfidantzea eskertzen dau, izan be, joko horreei esker, 3.400 itsu-itsu eta/edo ikusmen gitxiko persona inguruk, EAEko Erakundeko afiliatuek behar diran prestazino sozial eta teknikoak jasoten ditue eta erabateko inklusinoaren alde egiten dabe.

Perez Begoñaren esanetan, Begoñako Andre Mariaren tenplua aitatzen dauen lehen dokumentua 1300.
urtekoa da, Bilbo uria sortu zan data berekoa. 

XVI. mendearen hasieran hasi ziran egungo tenplua eregitea eregiten. Basilikea ezinbesteko bisitalekua da fededunentzat eta egunero hurreratzen dira santutegira Begoñako Ama Birjinea gurtzera.

Kupoiak, oraingoan, eraikin enblematikoaren efemeridea islatzen dauen arren, 2010eko abenduaren 12an Begoñako amatxuri eskainia izan zala azpimarratu behar da.

Basilikearen 400. urteurrena islatzen dauen kupoiak, eguneroko kupoia izanik, 1,5 euroren truke 55 sari eskaintzen ditu, bost zifratan. Beste 0,5 euroren truke, seriean jokatuta, 25 urtez hilean 3.000 euroko paga bat irabaztea eskaintzen dau, 35.000 euroko ordainsariari gehituta.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu