Carmen Linaresek Erriberriko Antzerki Jaialdiaren 22. edizinoa inaugurauko dau

| Ikusi handiago | Argazki originala

40 años de flamenco, La pasión de Yerma, Principiantes.De qué hablamos cuando hablamos de amor eta Como hace 3.000 años ikuskizunetarako sarrerak agortuta dagoz.

Erriberriko XXII. Antzerki Jaialdia garagarrilaren 16an hasi eta abuztuaren 1ean amaituko da artea, musikea, poesia, antzerkia eta jantzak buztartuz.

Kontuak kontu, Jaialdia Carmen Linaresen 40 años de flamenco ikuskizunagaz hasiko da, La Cava espazio eszenikoan, gaueko 22:00etan:

Carmen Linares, Paco de Lucía, Camarón, Enrique Morente, José Mercé eta Tomatitoren belaunaldikide bakarra, flamenkoan daroazan 40 urteak ospatzen dabil Andaluziako folklorean, flamenko musikan eta poesian barrena bidaia eginez. Argiz, samurtasunez, negarrez, oroimenez, kolorez eta egiaz jositako ikuskizuna.

Cadizko badien argia, Sevillako tenpluak, Granadako zerua eta Jaengo olibadia. Federico García Lorcaren, Miguel Hernándezen, Valenteren eta Juan Ramón Jiménezen bertsoen izakera dramatikoa eta herrikoa. Carmenek bere ezinbesteko errepertorioa eskainiko deusku, aparteko musikariakaz eta jantza saio bigaz.

Carmen Linaresen ahots parebakoaren egia, flamenkoaren kondaira bizia dan kantaria eta Espainiako kultura musikala ulertzeko ezinbesteko artistea.

Antzezleak izango dira Carmen Linares (cantaora), Salvador Gutiérrez (gitarristea), Eduardo Espín Pacheco (gitarristea), Vanesa Aibar (jantzaria), Ana María González (koroak eta txaloak) eta Rosario Amador (koroak eta txaloak).

Ignacio Apeztegui Nafarroako Gobernuko Kultura zuzendari nagusiak, Maria Antonia Rodriguez Baluarte Fundazinoko kudeatzaileak eta Luis Jimenez Zinemaldiko zuzendari artistikoak aurkeztu dabe Erriberriko La Cava agertokian egingo dan jaialdiaren hasierea.

Informazino gehiago eta egitaraua hemen.