'Artea Kalean'

| Ikusi handiago | Argazki originala

Euskal Herriko sei ikastetxe publikotako sei eta hamabi urte bitarteko 108 umek irudimena eta naturaltasuna darien lanak sortu ditue eta lanok Guggenheim Bilbao Museoko Hezkuntza-gunean jarriko dira ikusgai.

Artea Kalean da aurtengo goiburua, ikasgeletatik urten eta olgetaleku, eremu edegi, parke, plaza eta lorategiak bereganatuz.

1998tik, 4.500 ikaslek baino gehiagok hartu dabe parte hezkuntza-programa honetan. Programearen helburua eskola-umeen irudimena eta sormena sustatzea da, esperimentetan laguntzea eta, aldi berean, eskola-curriculumeko gaiak sendotzea.

Aurten ere Guggenheim Bilbao Museoak Artea Ikasbide aurkeztu dau; programearen amaierako erakusketeak hasiera-hasieratik izan ditu BBKren babesa eta Eusko Jaurlaritzako Hezkuntza Sailaren laguntzea. Giza gorputzeko digestino-aparatuaren formea dauen eskultura erraldoi bat, pintura ibiltariak, hainbat artelan erabiliz inguruko eraikinetan egindako fotomuntaketak, buztinezko eskulturak eta emozinoak irudikatzeko ikastetxe bateko olgetalekuan bideoz grabautako esku-hartze artistiko bat dira, besteak beste, aurten Artea Ikasbide programan parte hartu daben artista txikien sorkuntza-lan dibertigarri eta irudimen handiko batzuk.

Edizino honetan, Artea Ikasbide kalean dago eta olgetalekuak, parkeak, plazak, ikastetxeen inguruko kaleak eta lorategiak izan dira parte-hartzaileen sormenezko abenturen agertokiak. Artistek lagunduta, eskola-umeek ikastetxeetan esku hartu dabe, herrian erabilten ez diran lekuetan publizidade-goiburuak inkau ditue, kaleetan barrena ibili dira eskultura ibiltariak balira lez, izan be, ingurunea ezagutu eta sormena lantzeko egokiak diran eremu osasungarriak topau ditue.