Maiatzean, Gure Zirkua Muxikan eta Diman

Bizkaie! 2021-04-26 12:44   Kulturea

Ia bi urteren ondoren bueltauko da taldea Bizkaira, zirkua sekula heldu bako herrietara eroateko helburuari eutsiz.

Joan dan apirilaren 8an ekin eutson Gure Zirkuak laugarren bireari Errenterian, Covid-19ak hankaz gora itxitako testuinguruan. Taldeak 22 saio eskainiko ditu guztira bertan, sarrera guztiak agortuta, 5.000 ikusle batuz. Jentearen erantzun bikaina ikusita, euskal zirku ibiltariak aurrera jarraituko dau 2021erako aurreikusitako ibilbidean eta igaz kale egin ondoren, aurten Bizkaira bueltauko da datorren maiatzean. Ia urte bi igaro dira 2019ko garagarrilean taldeak lurralde horretan azken saioa eskaini ebanetik.

Esangura horretan, Gure Zirkuak ilusino handiz iragarri dau Muxikan eta Diman eskainiko dituala maiatzean saioak eta erronkak dira: Alde batetik, Euskal Herriko gero eta eskualde gehiagotara heltzea (Lehenengoz izango da Gure Zirkua Busturialdean eta Arratian) eta, bestetik, zirkua herri txikietara
eroatea, zirkurik sekula heldu bako udalerrietara bisitea eginez.

Ondokoak dira Gure Zirkuak datorren maiatzean Bizkaian eskainiko dituan saioak:

Muxikan, maiatzaren 6tik 16ra

- Maiatzaren 7an, 19:00etan.

- Maiatzaren 8an, 16:30ean eta 19:00etan.

- Maiatzaren 9an, 16:30ean eta 19:00etan.

- Maiatzaren 14an, 19:00etan.

- Maiatzaren 15ean, 16:30ean eta 19:00etan.

- Maiatzaren 16an, 12:00etan.

Diman, maiatzaren 21etik 30era

- Maiatzaren 21ean, 19:00etan.

- Maiatzaren 22an, 16:30ean eta 19:00etan.

- Maiatzaren 23an, igandean, 16:30etan eta 19:00etan

- Maiatzaren 28an, 19:00etan.

- Maiatzaren 29an, 16:30ean eta 19:00etan.

- Maiatzaren 30ean, 12:00etan.

Sarrerak hemen.