Eva Ferreira aukeratu dabe UPV/EHUko errektore

Bizkaie! 2020-11-27 08:04   Pil-pilean

Eva Ferreira katedraduna hautatu dabe UPV/EHUn egin diran errektorea aukeratzeko hauteskundeetan. Ferreirak lortu dau emondako botoen % 66,24. Unibersidadeko kideek hautatzen dabe errektorea, sufragio orokor haztatuaren bidez. Hautagai bakarra egon danez, hautatua izateko, emondako botoen herena lortu behar eban egin beharreko haztapenak eginda.

Sektoreka emoitzak ondokoak izan dira:

- Lotura iraunkorra daben 2.114 irakasle eta ikertzaile doktoreetatik 1.404k emondau botoa (919 aldeko boto, 469 zuri).

- Lotura iraunkorra daben 179 irakasle eta ikertzaile ez-doktoreetatik 91k emon dau botoa (52 aldeko boto, 38 zuri).

- Gainerako 3.273 irakasle eta ikertzaileetatik 642 emon dau botoa (383 aldeko boto, 251 zuri).

- 40.819 ikasleetatik 857k bozkatu dabe (612 aldeko boto, 218 zuri).

- Administrazino eta Zerbitzuetako Personaleko 1.896 kideetatik, 744k emon dabe botoa (433 aldeko boto, 302 zuri).

Botoa honela haztatzen da: irakasle doktore iraunkorrei % 56,25 jagoke; irakasle iraunkor ez-doktoreei, % 7,50; gainerako irakasle eta ikertzaileei, % 2,09; ikasleei % 22,08; eta, azkenik, administrazino eta zerbitzuetako langileei, % 12,08. Beraz, botoak haztatu ondoren, ondokoak dira emoitzak:

IRI doktore iraunkorrak: % 37,24 aldeko boto eta % 19,01 zuri.

IRI ez doktore iraunkorrak: % 4,33 aldeko boto eta % 3,17 zuri.

Bestelako IRI: %1,26 aldeko boto eta % 0,83 zuri.

Ikasleak: % 16,28 aldeko boto eta % 5,80 zuri.

AZP: % 7,12 aldeko boto eta % 4,96 zuri.

Emoitzen behin betiko aldarrikapena abenduaren 4an egingo da, inpugnazinoak aurkezteko epea igaro ondoren.

Eva Ferreira doktorea (Barakaldo, 1963)

Ekonomia Aplikatuko katedraduna da eta Ekonomia eta Enpresa Fakultadeko irakaslea. UPV/EHUko Ekonomia Gaietako eta Ikasketa Antolaketako errektoreorde (2004-2008), unibersidade bereko idazkari nagusi (2009-2012) eta Euskal Unibersidade Sistemearen Kalidade Agentziako zuzendari (Unibasq, 2015-2019) izan da. Kargua urtarrilaren lehen hamabostaldian hartuko dauela aurreikusten da, karguan Nekane Balluerka ordezkatuz. Balluerka izan da hautatutako errektorea izan zan lehen emakumea.