Euskal Zinema Bilerearen Lehiaketea norberaren etxetik matxan

| Ikusi handiago | Argazki originala

Euskerazko zinemaz gozetako hitzordua hemen da! Lekeitioko 43. Euskal Zinema Bilerea online amaitu barri da eta orain, barriz, zemendiaren 23tik 26ra, arratsaldeko 19:30ean dago Lehiaketea online ikusteko aukerea. Egun bakotxean 4 eta 5 film artean emongo dira webgunean eta zuzendaritza, gidoi eta film onenaren sariez gan, EITB ikusleen saria egongo da jokoan. Ikusleek botoak emon ahal izango ditue egun bakotxeko film saioa ikusi ostean, zinebilera.eus orrialdean.

Sariak izango dira:

- Film onena 1.900,00 €

- Zuzendaritza onena 1.600,00 €

- Gidoi onena 1.600,00 €

- EITB Ikusleen saria 750,00 €


XVI. Kameratoia

Euskaltzaleen Topaguneagaz alkarlanean egiten dan Kameratoian saridunak ondokoak izan dira: ikuslearen saria ND3 taldearen Plastikozko haginak filma. Bestetik, bigarren saria Emeki films-en Tentuz lanarentzako izan da. Azkenik, lehenengo saria Spookypheria Productions taldearen Agur lanak eroan eban.