'Birpensauta Diseinua, Arkitekturea eta Artisautzea' jardunaldia Bilbon, zemendiaren 23an

| Ikusi handiago | Argazki originala

Azkuna Zentroak, Euskal DiseinuAZ programearen barruan eta Bilbao Bizkaia Design Week-en, Birpentsauta Diseinua, Arkitekturea eta Artisautzea jardunaldia hartuko dau gaur. Jardunaldian, diseinua, sorkuntza, artisautza eta arkitektura sektoreetako profesionalek euren egungo proiektuak erakutsiko ditue: lana eta egunerokoa Birdiseinau, Birdefinidu eta Birpentsau ditue proiektu horreetan.

Yolanda Sánchez, Pilar Morquillas Azpiazu eta Jose Real, dendAZ. This is Basque Design proiektuko artistek eta disenaitzaileek Bilbao Bizkaia Design Week 2020 (BBDW20) ekimenaren esparruan aurkeztuko ditue euren lanak. BiDC-ek antolatutako ekitaldia, Bilboko Udalak eta Bizkaiko Foru Aldundiak ekonomia-garapeneko eta nazinoarteko proiekzinoko faktore lez sormen-industriak sustatzeko egindako ekimenari esker, zemendiaren 26ra egingo da.

Iñigo Ordozgoiti, Erakusketa Aretoan ikusgai dagoan Acromática. Una Partida Inmortal erakusketearen diseinatzaile grafikoak parte hartuko dau jardunaldian.

BBDW20 edizinoaren ardatza Aldatzen dagoan mundua Birdiseinetea da. Birus batek alkarregaz biziteko, sozializetako, produziduteko edo konsumiduteko modua aldatu deuskun munduan bizi gara. Giro horretan, hartu-emonak izateko moduak birdefinidu behar ditugu, gailuak, produktuak eta zerbitzuak birdiseinau, balioen eta jagoletza sistemea birpentsau. Eta enpatia izan daiteke horretarako bidea. Beste egiteko modu batzuk dira, hain zuzen be, dendAZ. This is Basque Design-en eta proiektu honetan parte hartzen daben hogeita hamar artista, sortzaile eta artisauen oinarria, Azkuna Zentroarentzat estrategikoak diren balioetan eregita: sormena, irisgarritasuna, aniztasuna eta lankidetzea. BBDW20 ekimenaren barruan aurkezten diren proiektuak horren erakusgarri dira.

PILAR MORQUILLAS AZPIAZU: NUEVE BOTELLAS x metro cuadrado

Proiektuaren bidez, Pilar Morquillas Azpiazu diseinatzaileak balio bat topau dau, plastikozko ehunak erabilteaz gan, koloreak irautea da balio hori. Oihalezko metro koadro bakotxean 33 cl-ko bederatzi botila berrerabili ditue eta poliesterrezko konposizino horrek aukerea emoten dau estanpazino-teknika
moduan sublimazinoa erabili ahal izateko. Aitatu proiektuan, Azkuna Zentroaren inguruko zoladurarako Philippe Starckek sortutako diseinuan lau mahai-zapiko edizino bat dago. Birziklatutako zuntzak erabilteko dauen ikuspegi barri horrengaitik, German Design Award 2021 saria jaso dau bildumeak, diseinu jasangarriaren kategorian. Epaimahaiak diseinuaren kalidadea, estetikea eta iraunkortasun adierazpen sendoa nabarmendu ditu.

YOLANDA SÁNCHEZ: lehengai naturalak

Yolanda Sanchez artisteak sorkuntza plastikoaren eta artisautzearen mundua dau ardatz, ehungintzan espezializautako enpresa batean, zeta eta artilea lako lehengai naturaletan oinarritutako produkzinoagaz: zeta eta artilezko lehengaiak eta tindu naturalak ikertzen ditu eta prozesu eta produkzino ekologiko eta jasangarrietan parte hartzen dau. 

Yolanda Sanchezek dendAZ bilduman txertatutako proiektu barrietarako erabili dituan lan prozesuak erakutsiko ditu, baita estanpazino botanikoaren inguruan landu dauen teknika bat be.

Jose Real FÁB DE FABekoa: fabrikazino jasangarria

Fábrica de Fabricantes (FÁB DE FAB) izenekoak diseinu parametrikoa eta fabrikazino digitala apliketan ditu bai 3D mapetan (FÁB DE FAB diseinua), bai Matsu eta Matsu S lanparetan (Jose Realen diseinua). Iraunkortasun parametroen arabera egindako piezak dira, landare jatorri biodegradagarria eta ekologikoa daben PLA plastiko termo-urtugarria lako materialen bidez. Gainerako elementuak tokiko merkataritzakoak dira, horreek mihiztatzeko ahalik eta gitxien erabiliz
itsasgarriak, torlojuak eta bestelakoak.

Aurkezpenean, Jose Realek arkitekturako edo salgaia osotzeko edozein proiektu planteetalo sasoian garaian diseinuari zer garrantzia emoten deutson
erakutsiko du.

IÑIGO ORDOZGOITI: diseinu grafikoaren presentzia ukaezina

La Tapadera Creaciones-eko manager orokorra dan Iñigo Ordozgoiti diseinatzaileak planteau dau Zentroko Erakusketa aretoan ikusgai dagoan Mabi Rebuelta artistearen Acromática.Una PartidaInmortal erakusketea.
 
Elementuen antolamenduak eta erabilitako baliabideek erakusketearen edukia eskuratzea bideratzen dabe, artistearen lana ikuslegoen komunidadeetara hurreratzeko oinarrizko tresna bihurtuz.