2020/11/17 .
Bilboko Arriaga Antzokian. | JardunaldiakKlasikoen XIII. Irakurketa Jarraitua
| Ekitaldia goizeko 08:00etan hasi da Arriaga Antzokian eta Mariasun Landa bera izan da lehenengo. Goizean zehar, gizarteko sektore guztietako 200 bat persona izango dira irakurle eta mundu osoko 50 euskal etxetako ordezkariak eta Bilboko hainbat ikastetxetako ikasleak parte hartzen dagoz grabautako bideoen bidez. |
|
Mariasun Landa idazlea izan da XIII. Klasikoen Irakurketa Jarraituari hasierea emon deutsona goizeko 08:00etan. Aurten hain zuzen be, ume eta gazte literaturea omendu gura izan ditue, euskal idazlearen ipuin batzuk irakurriz. Landaren ostean, Koldo Narbaiza Euskera eta Kultura Saileko zinegotziak jarraitu dau irakurten eta 12:00etatik aurrera, Amaia Arregi lehenengo alkateordeak eta gobernu taldeko eta udal korporazinoko kide batzuk parte hartu dabe euskerea eta euskal literaturea sustatzeko ekimenean.
|
Aurreko urteetako gaiak
Lehenengo lau edizinoetan kronologia izan zan gaia: Gero (1643), Peru Abarka (1804), Haur besoetakoa (1959), Hamaika pauso (1995). Hau da, XVI. mendeko liburu bategaz hasi, XVII. mendeko beste bategaz segidu, XIX. Mendearen erdira heldu eta ia XXI. mendean amaitu genduan. Hiru salto izan ziran: bi, ehun eta hirurogei urtekoak, eta bat, berrogeita hamarrekoa, euskal literaturearen historian barrena. Bosgarren edizinoan hausi genduann ha erispidea, beren-beregi emakume-idazle baten liburua irakurteko: Zergatik panpox (1959). Seigarrenean eta zazpigarrenean, barriz, beste erispide bat erabili genduan urteurrenen ospakizunena, hain zuzen be, Obabakoak (1989) eta Harri eta herri (1964) liburuen 25 eta 50 urteurrenak ospatzeko. Zortzigarrenean, Joseba Sarrionandiaren Narrazio guztiak-egaz, literaturearen independentzia aldarrikatzea, baita arazo politikoagazko be. Bederatzigarrenean, itzulpenaren garrantziaren urtea izan zan Kafkaren Metamorfosiari esker. Hamargarrenean, Itxaro Bordaren %100 Basque, emakume-idazle baten liburua izateaz gan, bere izakera periferikoa defendiduten dauelako. Hamaikagarrenean, Txomin Agirreren Kresala izan zan protagonista, bizkaierearen garrantzia azpimarratuz eta Euskaltzaindiaren eta euskera batuaren urteurrenak gogoan. Igaz, barriro be urteurrena ospatuz, Anjel Lertxundiren Otto Pette (25 urte). Eta aurten, ume eta gazte literaturearen indarra eta garrantzia aldarrikatzeko, Mariasun Landaren ipuinak, idazlearen. Ipuin hautatuak protagonista.
Erantzun
Erantzuteko, izena emanda egon behar duzu. Sartu komunitatera!