Guggenheim Bilbao Museoak eta IE University-k akordioa sinatu dabe

| Ikusi handiago | Argazki originala

Helburua da arteak, kultureak eta hezkuntzeak gizartearen garapenerako ezinbesteko elementu lez daben balio estrategikoa nabarmentzeko jarduerak jorratzea. Itunak aukerea emongo deutse erakunde biei ezagutza, arteak eta humanidadeak zabaltzeko ekimenak eta jarduerak alkarregaz lantzeko.

Hitzarmenari esker, IE Universityko ikasleek eta ikasle ohiek aukerea izango dabe prestakuntza-ikastaroetan, praktikaldietan eta bisitaldi birtualetan parte hartzeko munduko museorik entzutetsuenetan. Gainera, 140 herrialdetatik datozen ikasleek aholkularitza-proiektuak landuko ditue Guggenheim Bilbao Museoko adituen laguntzarekin beren capstone project ikerketa-lanetan txertatzeko. Halaber, akordioak jasotzen duenaren arabera, Museoko zenbait zuzendaritza-kidek IE Universityk antolatutako saio, jardunaldi, webinar eta curriculumetik kanpoko jardueratan parte hartuko dabe hizlari moduan eta erakunde biek argitalpenak plazaratuko ditue alkarlanean.

Juan Ignacio Vidarte Guggenheim Bilbao Museoaren Zuzendari Nagusiaren eretxiz, Hitzarmen honek belaunaldi barrien prestakuntzan laguntzea ahalbidetuko deusku eta horrek pozten gaitu, uste baitogu ezin aberasgarriagoa izango dala ideak eta esperientziak trukatzea. Museoaren 23 urteetan zehar sortutako ezagutzak baliogarriak izango dirala pentsetan dagu ikasleen ibilbidea aberasteko eta euren asmoa eta nazinoarteko ibilbidea bultzatzeko; badakigu jakin hartu-emon horreek onuragarriak izango dirala.

Beste alde batetik, gaur egun bizi dogun testuinguru aldakorrean lider izateko ezinbestekoak dira artea eta humanidadeak, bai arlo personalean, baita profesionalean be adierazo dau Susana Malcorra IE University Arts & Humanities Division alorreko buruak eta honakoa esanaz amaitu dau: IE Universityk bere posizionamendua indartuko dau Guggenheim Bilbao Museoagaz bat eginda eta ikasle, irakasle eta ikasle ohien komunidade anitzari humanidadeen balioa hurreratzen jarraitzeko modua emongo deutso horrek.

IE University

IE Universityk 3.000 ikasle baino gehiago hartzen ditu urtero gradu, graduondoko, doktoretza eta executive education ikasketak egiteko. IE nazinoarteko hezkuntza-erakunde humanista bat da, apurtzailea eta jasangarria, erakundeetan barrikuntzea eta aldaketea sustatuko daben liderrak trebatzen dituana. 500 irakasletik gora ditu klaustroan eta egun 140 herrialde ezbardinetako ikasleak hartzen ditue. Munduko hezkuntza-erakunde nagusien artean dago eta Madrilen eta Segovian nahiz 5 kontinenteetako beste 28 herrialdetan ditu egoitzak. IE Universityren ikasketa-metodologiak aurrez aurreko eskolak nahiz online egindakoak barrubatzen ditu eta, holan, erakundea bere komunidade-sare guztira heldu daiteke, graduautako 60.000 profesional baino gehiago hartzen baititu, 165 herrialdetan erantzukizun handiko lanpostuak beteten dituenak.