Bizkaiko Foru Aldundia, EHUren Udako Ikastaroetan

| Ikusi handiago | Argazki originala

EHUk XXXIX. Udako Ikastaroetan daukan eskaintza zabalaren barruan Bizkaiko Foru Aldundiak be hartuko dau parte. Urriaren 6an eta 7an, Bilbon, erakunde horrek bultzatutako ikastaroa egingo da, Etika eta aniztasuna gizarte-ekintzan izenekoa. Herritarren artean pluralismoari eta aniztasunari buruzko gogoetea sustatzea da asmoa, baita persona guztien duintasuna autortzean, berezko balioan eta eskubide guztien errespetuan oinarrituta agertu leitekezan gatazka etikoei buruzkoa be.

Udako Ikastaroen Gizarte Zikloaren parte da kursoa. Inaugurazino berbaldia Francesc Torralba filosofo, teologo eta Bartzelonako Ramon Llull Unibersidadeko Ethos Katedrearen zuzendariak emongo dau. Zuzendaria, ostera, Lourdes Zurbanobeaskoetxea izango da, Bizkaiko Foru Aldundiaren Ebaluazino eta Orientazino Zerbitzuko burua eta koordinatzaile soziosanitarioa.

Egun biko programazinoan, hainbat unibersidadetatik etorritako irakasleek emongo ditue berbaldiak, eta gizarte arloko ekimen ugaritan dabizan profesionalek be bai. Era berean, mahai-inguruak eta ideak konpartiduteko tarteak antolatuko ditue.

Lau eremu nagusitan banatuko dira edukiak:

- Aniztasuna autortzeko esparru etikoa.

- Aniztasuna guztiz onartzen ez danean sortzen diran desbardintasun-egoerei lotutako gatazka etikoak.

- Jarduera profesional egokiak.

- Gogoetarako, alkartrukerako eta sektore arteko alkarrizketea bultzatzeko esparru bat sustatzea, sensibilizazino, konpromiso, ezagutza eta esperientzietan oinarritua, jarrera eraikitzailea helburu.

Argibide gehiago eta matrikulea egiteko hemen.