25 eta 45 urtetik gorakoak unibersidadean sartzeko probak hasi ditu UPV/EHUk

| Ikusi handiago | Argazki originala

UPV/EHUk unibersidadean sartzeko 25 eta 45 urtetik gorakoentzako proben egutegiari hasierea emon deutso beste urte batez. Pandemiaren ondorioz sortutako egoerea dala eta, proba horreek normalean baino beranduago izango dira, hain zuzen be, bagilaren 12an, 9:00etan, hasiko dira ondoko hiru egoitzatan: Gasteizko Farmazia Fakultadean, Bilboko Injinerutza Eskolan eta Donostiako Ekonomia eta Enpresa Fakultadean.

Aurten, 234 personak emon dabe izena azterketan (25 urtetik gorako 180k eta 45 urtetik gorako 54k). Horreetako 40 Arabako Campusari jagokoz, 117 Bizkaiko Campusari eta 77 Gipuzkoako Campusari.

Unibersidadeak behar diran neurriak hartu ditu probea egingo daben guztien segurtasuna bermatzeko, hau da, epaimahaikideena eta ikasleena, UPV/EHUk COVID19 dala-eta ezarritako prebentzino neurrien protokoloari jarraituz. 25 urtetik gorakoei jagokenez, unibersidadean sartzeko probeak zati bi izango ditu: orokorra eta espezifikoa, zenbait arlotako ariketakaz.

Bestalde, 45 urtetik gorakoen kasuan, lehen zatian, unibersidade ikasketak egiteko ikaslegaien heldutasuna eta egokitasuna aztertuko dira, baita arrazoibide eta adierazpen ahalmenak be, zenbait arlotako hiru ariketagaz. Bigarren fasean, alkarrizketa personala egingo jake, ikasketa jakin batzuetan sartzeko gaitasunak eta ezagutzak aztertzeko.

Proben egutegia eta ordutegia hemen.