Kezka taldea koko-eskean eta ate-joka ibiliko da Eibarren

Aratusteak, Eibar 2020. Egilea: Joseba Imanol Vilas. Ego Ibarra Batzordea - Eibarko Udala | Ikusi handiago | Argazki originala

Aratosteetako koko-jantzari eibartarrak Arrate eta Gorosta auzoetako baserrietara hurreratuko dira.

Lehen agerraldia goizean goiz egingo dabe merkatu plazan eta, ondoren, bailara bi horreetara abiatuko dira, goizeko 09:00etatik arratsaldeko 15:00retara.

Eibarko Aratosteetako aurtengo kartelak herriko koko-jantzariak eta koko-marruak islatzen ditu, inauteriaren sustraian oinarrituko personajeak: mamarruak, burburixuak, masustak, aixerixak, hartza, Petra eta Maria, Don Eusebio, Kattalin eta Manuela, Batista kojua, Arrateko Ama-Birjinea, Martin Perratzailia, sasi-kartia...

Arratsaldean, 19:00retatik aurrera, Anbulatorioko parkean batu eta ondoren Eibarko kaleetan ibiliko dira Elgoibarko Mauxitxa txarangeak lagunduta.

Eibarko Arastosteek keinu berezia egin deutse aurten koko-jantzei. Karnabalen programazinoa iragarten dauen kartelean koko-jantzariak eta koko-marruak diralako protagonista. Joseba Imanol Vilas artista donostiarrak egindako kartel honek irabazi dau urtero Eibarko inauteriak iragarteko egiten dan kartel lehiaketea.