Lehenengo puntuak banatu ditue Nafarroako Bardoetan

Barikuan Txantrean jokatutako saioko bertsolariak (argazkia: Nafarroako Bertsozale Alkartea) | Ikusi handiago | Argazki originala

Indar betean hasi da 2020ko Bardoak, urte birik behin antolatzen dan Nafarroako taldekako txapelketea. Barikutik domekara bost saio jokatu dira guztira: Etxarrin, Txantrean, Iturmendin, Beran eta Erron. Ez ziran faltau izan giro polita eta bertsolarien irudimena.

Barikua, urtarrilaren 31, izan zan txapelketako lehenengo eguna. Hiru saio jokatu ziran, A, C eta D moltsoetan. Larraungo Etxarrin jokatutako saioan, Larraun da Araitz. Bi dozena izeneko taldeak irabazi eban, eta moltsoko sailkapenaren buruan da. Ipar Haizea taldea gainditu eben.

Iruñeko Txantrea auzoan, Hego Haizea izan zan nagusi, Lizarrako Bardeak menperatuta. D moltsoko lehenengo puntuak, ostera, Sakaña taldearentzat izan ziran, Iturmendiko saioan Drimtin-i irabazi eutsan eta.

Beste saio bat Erron jokatu zan, zapatuan, zezeilak 1. Kasu horretan, B moltsoko talde bi egon ziran aurrez aurre, Arranopola eta Pirini Bardo, eta lehenengoek eskuratu zituen puntuak. Domekan, Beran, Amortziaren eliobak eta Lamixene egon ziran oholtzan. Puntuak Lamixenek eroan zituan.

Hortaz, martxan da 2020ko Bardoak, moltso guztietan jokatu dira saioak eta puntuen jantzea hasi da. Hurrengo asteburuan beste bost saio jokatuko dira, barikuan hasi eta domekara, Elgorriagan, Barañainen, Lizarran, Iruñean eta barriro Barañainen.