Durangoko Azokeak Ipar Euskal Herriko nobedadeak aurkeztu ditu

| Ikusi handiago | Argazki originala

Durangoko Azokako 54. edizinoan Lapurdi, Behenafarroa eta Zuberoako 9 erakusmahai egongo dira. 40 nobedade baino gehiago egongo dira: 23 liburu, 3 liburu-disko, 13 disko, Seaskako egutegia... Nobedade guztien % 10 Ipar Euskal Herrikoa izango da. Autoproduktoreen Plazan be Ipar Euskal Herriko disko bat egongo da: Bankako Menditarrak.

2019an, Iparraldetik 10 egitura izango dira azokan: 7 argitaletxe, 2 diskoetxe eta bestelako egitura bat. Iparraldeko partaide guztiek espazio bateratu batean batuko dira (Goienkale 21-29). Elkar argitaletxearen Iparraldeko adarra Elkar-en mahai nagusian ordezkatua izango da.

Horrezaz gan, 15 kultur ekitaldi baino gehiago izango ditue. Eguen arratsaldean, abenduaren 5ean, Ipar Euskal Herriko lau lan proiektauko dira Irudienean.

Ahotsenea zuzenekoak: Willis Drummond, Manez eta Kobreak, Murgi, Antton Larrandaburu eta bitxiloreak.

Irudienea: Gazteluak zubi dokumentala, Hiru uhinak dokumentala, Ito film laburra, Tantaka websailaren lehen atala, Anti film laburra.

Ahotsenea barriketak: Mixu - Sustraiak, Maiatz aldizkariaren 68. eta 69. zenbakiak.

Saguganbara: Altxorraren bila! (Elkar), Aldo musikari! (Matahami).

Gogoetearen Plaza: Jurgi Ekiza.

Prentsaurrekoa Baionako Euskal Museoan izan da, EKEk antolatuta. Gerediagako kideakaz batera, Ipar Euskal Herriko sortzaileak eta diskoetxe eta argitaletxeetako arduradunak izan dira.