Azkuna Zentroak 'Dendaz. This is Basque Design' denda-kontzeptu barria inaugurauko dau

Bizkaie! 2019-07-23 08:27

Gaur aurkeztuko dabe Bilbon Gonzalo Olabarriak (Bilboko Udaleko Kultura Zinegotzia), Fernando Pérezek (Azkuna Zentroko Zuzendaria), Joseba Mariezkurrena (BEAZtik Antolaketa eta Barrikuntza zuzendaria) eta Benicio Aguerreak (EIDEtik).

DendAZ. This is Basque Design show room-en kontzeptu barria da, dinamikoa eta bizia, bertako eta nazinoarteko artisten lanak Azkuna Zentroko programazinoari lotutako artikulu original eta korporatiboen bidez gauzatzeko. Bertan, artisten sorkuntza-prozesua garrantzitsutzat joten da, Zentroko espazio ezbardinetatik sormenezko erosketea bultzatuz zabaldutako programazinoaren bidez. Gainera, espazio barri honek Zentroko beheko pisua dinamizau eta informazino bulegoa hobeto ikustea ahalbidetuko dau.

DendAZ. This is Basque Design proiektuaren bereizkuntzak produktuaren balio erantsia, bertakoa ikusgai bihurtzea, jasangarritasuna, Do It Yourself eta esklusibotasuna, eta, batez be, sorkuntzea eta bertako diseinuaren balioa dira. Azkuna Zentroan estrategikoak diran baloreetan oinarritu da: sormena, eskuragarritasuna, aniztasuna eta lankidetzea.

Azkuna Zentroak, Proiektu Programa 2019-2023-ren bidez, gizarte eta kultura garaikidearen arteko loturak sortzen ditu. Proiektu honi esker, zentroak publikoen eta bertako artista eta diseinugileen arteko loturak sortu nahi ditu, sormenezko erosketa barria, diseinu eta sormenaren balioa eta jasangarritasunaren garrantziaren inguruan kontzientziazinoa sortzeko asmoz. Esangura horretan, 2014tik Bilbao UNESCO-k sortutako Uri Sortzaileen Sarearean parte da. Sare honen helburua sorkuntza garapen ekonomiko jasangarrirako eragile nagusitzat hartzen dituen urien arteko nazinoarteko lankidetzea sustatzea da.

Espazio barri honek liburu-dendea, ardao, moda, papel-dendea eta dekorazino guneak ditu. Helburua artista eta diseinugileek egindako proposamenen arabera haztea eta bilakatzea da, euren sorkuntzak ikusgai bihurtzen dauen leihoa eskaintzeko asmoz.

Lokalak 150 metro koadro ditu eta Pez Studio-k diseinau dau. Moldagarria, ekologikoa eta gardena da, bertatik gunearen berezko baloreak bultzatzeko.

Elementu mobikor eta moldakorretako erabilerrak espazio hibrido bat sortzen dau, salmenta eta erakusketak egiteko, zein ekitaldi, aurkezpen eta tailerrak antolatzeko balio dauenak. Altzariei jagokenez, gehienak modularrak dira eta bertako zurez inguruneko tailer artisauetan eginda.

Guneak Zentroaren, uriaren eta bere bisitarien erritmoagaz bat datorren ordutegia izango dau eta Azkuna Zentroko gainerako espazioakaz konektauko dau. Momentu batzuetan hormarteko hormetatik aterako da Atarian jarteko, Erakusketea Aretora edo Auditorioaren ataurrera bajatzeko. Baina, batez be, Lantegia, LABoratorio de Ideas, Azkuna Zentroko esperimentazino eta sorkuntza kulturalerako espazio barriagaz zubiak eregiko ditu.

DendAZ. This is Basque Design denda bat baino askoz gehiago da. Zentroaren programazino kulturalagaz bat, diseinugileen lanak eta bere diziplinak erakutsiko dituan multiformatuko egitaraua eskainiko dau. Irailetik aurrera, Azkuna Zentroko gune barri honetan diseinuari buruzko aurkezpenak, hitzaldiak, eztabaidak, tailerrak eta topaketak egongo dira. Egitaraua Zentroak babesten dituan artetik hurren dagozan eta hareen prozesu eta produktuak erakutsi eta merkaturatzea behar daben diseinu sortzaileei lotuta dago.

Azkuna Zentroaren DendAZ proiektuak Bilboko Udala, BEAZ eta EIDE Euskadiko eta Nafarroako Diseinugileen Alkartearen babesa dauka, This is Basque Design egitasmoan parte-hartzen daben proiektuak aukeratzen dauen aukeraketa-taldea osotuz.

Diseinugileak

Proiektu hau Bilbo, Bizkaia, Euskadi, Nafarroa eta Akitania Barriko 20 artista eta diseinugileen parte-hartzeagaz abiatuko da eta partaide barriakaz hazten joango da.

Salgai dagozan produktuak teknologia, kolore, materialak eta fabrikazino-prozesuko osogai guztien erabilera egokia eginez sortu dira, jasangarritasun erispideak jarraituz eta ingurumenaren gaineko eragin txikienagaz. Azkuna Zentroak prozesu osoan zehar parte hartzen dau kalidadea eta jasangarritasuna gailendu daiten.

Produktu-bilduma zabala izango da: moda eta papeltegitik, liburu eta argitalpen, opari eta dekorazino-artikuluetara. Era berean, Zentroaren programazinoari eta bertako hornitzaileen merchandising korporatiboari lotutako Azkuna Zentroak argitaratutako argitalpenak eskuratu ahal izango dira.

Proiektua ondoko artistakaz hasiko da

Ainhoa Fustel: larruzko osogarriak.
Aitor Saraiba: ilustrazinoa.
Amarenak – Ohiane Pardo: modea.
Angélica Barco: diseinua.
Apetitu: bitxigintzea.
Ätakontu: modea.
Berni Zarrari: osogarriak.
CookPlay – Ana Roquero: baxerea.
Eder Aurre: modea.
Espacio Aerre: diseinua.
Ganboa Handmade Jewellery: bitxigintzea.
Higinia Garay: ilustrazinoa.
Ixi Wood: osogarriak.
Katxi Klothing: modea.
Leire Urbeltz: ilustrazinoa.
Mario Gaztelu: diseinua.
NUOC: osogarriak.
Pilar Morquillas: diseinua
Proyecto Hemen: modea eta diseinua.
TAKO: diseinua.
Ziriak: altzariak.

Liburu-dendak

Anti Liburudendea: liburu-dendea.
Sopa de sapo: haur-literaturea.

Upategiak

Murillo Viteri
Diez-Caballero
Astobiza
Gorka Izagirre