Idatz & Mintz aldizkariaren 66. zenbakia kalean

| Ikusi handiago | Argazki originala

Idatz & Mintz literatur aldizkariaren 66. zenbakia argitaratu barri dau Labayruk. Hainbat testu batu ditue ale honetara, aurrekoetara legez. Azaleko irudia Enrique Morenterena da.

Narrazinoetan, Miren Agur Meaberen Ametsen inbentarioa, Lourdes Unzuetaren Aske izan gura, Juan Ramon Madariagaren Lau urtaro daltoniko, eta Inaxio López de Aranaren Eutsi beheari! idazlanak daukaguz.

Poesian, barriz, Eneko Urizarren Poema barik ezin dut izeneko bildumatxua.

Sebastian Gartzia Trujillok Juan Mari Lekuonaren eliz kantak gaia aztertu dau, saio-artikuluan.

Jabier Kalzakortak bere arloari oratu deutso, hau da, ahozko literatureari, eta Baratzian zoin den eder aza eta Porru-landare edo Oi uda-lili polita kantuak aztertu ditu, betiko moduan, aldaera ezbardinak eta ezezagunak eskainiz.

Azken buruan, Xabier Bovedak, literatura unibersalari egiten deutson tartean, Juan Ramon Jimenez (1881-1958) idazlearen barri emon ez eze, haren testu hautu batzuk euskeraz emon ditu.