MUk, BasqueTeamek eta WATS Teamek euskal kirolarien laneratzea sustatzeko ekimena aurkeztu dabe

| Ikusi handiago | Argazki originala

Mondragon Unibersidadeak, Enpresagintzako Fakultadearen bitartez, goi mailako euskal kirola sustatzen dauen Basque Team Fundazinoak, eta maila profesionalean kirol formakuntzan eta kirolean indarkeriaren prebentzioan erreferentea dan WATS Teamek ekimen bateratua aurkeztu dabe euskal kirolarien laneratzea bultzatzeko.

Bilboko Mondragon Unibersidadeko Enpresagintza Fakultadean egindako prentsaurrekoan, Lander Beloki fakultade horretako dekanoak, Olatz Legarza Basque Teameko koordinatzaileak, Alex Navarro WATS Teameko sortzaileak eta Rocio Ybarra Atenas 2004, Beijing 2008 eta Rio de Janeiro 2016ko Jokoetan olinpikoa izandako bedar hockey jokalariak.

Hiru alderdien arteko ekimena goi mailan dabizen euskal kirolariei unibersidade-formakuntzea eskaintzeko beharretik abiatzen da; horren bitartez, behin hareen kirol ibilbideak amaituta, laneratzea errazteko helburua dau akordioak. Kirol lehiaketako garaia amaitu ondoren, lan munduari aurre egiteko kirolariei formakuntza baliabideak eskaintzeko helburua dauen lankidetza publiko-pribatuaren lehen urratsa aurkeztu dabe hiru alkarteek. Goi mailako kirolean daben ibilbideaz gan, Basque Teameko kirolari askok goi mailako ikasketak ditue, baina ekimen barri honek euren curriculumak osotzeko eta espezializetako, eta enpresentzako erakargarriago bihurtzeko aukerea emoten dau.

Mondragon Unibersidadeak eta WATS Teamek Kirol Barrikuntzako Graduondoaren zehaztasunak emon ditue; formakuntza aitzindaria da Euskadin eta bigarren edizinoa irailean jarriko da martxan Bilbon. Graduondo hau kirola etorkizuneko ogibide izan nahi daben profesionalei zuzentzen jake eta ikasleak Kirol Kudeaketan, Lidergoan, Bearrikuntzan eta Ekintzailetzan trebatzen ditu, giza balioak oinarritzat hartuta. Lehen edizinoak sekulako erantzuna izan eban eta bigarrenerako izen-emotea zabalik dago webgune honen bitartez: www.wats.team/postgrado

Mondragon Unibersidadearen, Basque Teamen eta WATS Teamen arteko akordioari esker, azken erakunde biek Basque Teameko kirolariei Kirol Barrikuntzako Graduondoa egin ahal izateko bekea eskainiko deutse. Gainera Basque Teameko kirol profesionalek irakasle legez hartuko dabe parte Graduondoan, baita beste workshop eta formakuntza ekitaldietan be. Lankidetza hau batera jarraitzeko abiapuntua baino ez da, kirolean balioak sustatzea, kirol sektorearen profesionalizazinoan eta formakuntzan sakon sartzea, kirol-indarkeriaren kontra sentiberatzea eta alkarregaz etorkizunean egin daitekezan beste ekintza batzuei eustea baitira asmoak.

Kirol Barrikuntzako Graduondoan irakasle dira eliteko kirolagaz eta WATS taldeagaz lotutako hainbat izen ospetsu, besteak beste, Julen Guerrero (16 urtez azpiko hautatzailea eta Athletic Clubeko jokalari ohia), Xabi Prieto (Realeko jokalari ohia), Patricia Ramirez (kirol psikologoa, idazlea eta hizlaria), Jero Garcia (boxeolari profesional ohia eta Hermano Mayor saioko aurkezlea) edota Ana Rossell (oraintsu lehen mailara igon dauen CD Tacón taldeko presidentea). Horreez gan, enpresa kudeaketan, ekintzailetzan, negozio garapenean, marketinean eta komunikazinoan esperientzia handiko beste hamar profesionalen ekarpena be azpimarratzekoa da.

Mondragon Unibersidadeko Enpresagintza fakultadeko dekanoa dan Lander Belokik nabarmendu dau garrantzitsua da Unibersidadea eliteko kirol profesionalera hurreratzea. Mondragon Unibersidadea punta-puntakoa da enpresagintzan eta ekintzailetzako espirituaren sustapenean Europa mailan, eta guretzat oso positiboa da euskal kirolarien formakuntzan eta kirol enprensen sorkuntzearen bultzadan laguntzea.

Bestalde, Olatz Legarza Basque Teameko koordinatzaileak azpimarratu dau akordioa beste pausu bat dala Basque Teamek martxan jarritako Baloreetan BAT proiektuaren barruko Laneratzea atalean. Proiektu horren bitartez kirolarien atzetik dagozan personen beharrizanei erantzuteko asmoa dau Fundazinoak, goi mailako kirolean daben etapea pasau ondoren laneratze prozesu horretan laguntzinoa eskainita: Igaz graduondoaren lehen edizinoa martxan jarri eta ez genduuen uste gauzak erabarritzeko hain gaitasun handia izan eikeanik. Gure ikasleek Graduondoko proiektu finalak garatzeak kirol ekosistemearen barruan enpresa barritzaile baterako idea bat sortzea dakar. izan be, proiektu bi errealidade bilakatu dira dagoeneko: Jose Luis Youngek sortutako RuckSport, orain dala asteburu bi errugbi eta hockey txapelketak Getxoko Ereagan martxan jarri dituana; eta ClubParke, parke teknologikoetan kirol eta aisialdi zerbitzuak eskaintzeko Sonia Maciasek zuzendutako proiektua adierazo dau Alex Navarro WATS Teameko sortzaileak eta Kirol Barrikuntzako Graduondoko koordinatzaileak.