Leioako Pop-rock Lehiaketan izena emoteko epea zabalik

Bizkaie! 2018-03-12 10:55   Musikea

Parte hartu nahi daben taldeek apirilaren 10era arteko epea daukie apuntetako.

Dagoeneko 18. ekitaldira heldu da aurten Leioako Pop-rock Lehiaketea. Musika talde hasibarrientzat antolatzen dan sariketarik entzutetsuenetako bat da gaur egun Bizkaian. Leioako Udalak azaldu dauenez, edozein musika taldek emon leike izena, gehienez disko bat plazaratu badau, eta gitxienez taldekideetako bi 14 eta 35 urte bitartekoak badira. Aurreko edizinoetako sarituek ezin dabe parte hartu.

Lehiaketea modalidade bitan banatuko da. Batetik, pop-rockean, estilo horregaz lotutako jokera guztiak onartuko ditue: rock & roll psikodelikoa, garage, ska, reggae... Bestetik, metal arloan, soinu gogorragoak onartuko dira, tartean hard-rock, doinu industrialak, hardcore, heavy eta abar.

Hainbat sari emongo ditue: Lehenengo sariak bakotxa 1.200 eurokoak izango dira, metal zein pop-rock ataletan. Leioako talderik onenak 600 euro irabaziko ditu eta euskerazko kantarik onenak beste horrenbeste. Jaialdi guztiko talde onenari beste 400 euro emongo deutsiez. Azken hori, Leioako XVII. Pop-rock Lehiaketako irabazle nagusia izango da, atal guztien arteko parte-hartzaileen artean aukeratua, eta bere atalean irabazitako sariari gehituko jako.

Izena emoteko epea apirilaren 10ean amaituko da. Parte hartu nahi daben taldeek bost kantako CDa aurkeztu beharko dabe. Argibide guztiak, oinarriak eta izena emoteko hemen: 944 055 850
gazte@leioa.net  / www.kulturleioa.com

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa