Gorbeialdera joan da Nekazaritzako Barrikuntza Saria

Neiker-Tecnaliako Iker de Lera eta Nerea Mandaluniz, Noemi Salazar Gomez eta Felix Ajuria (Kerixara) | Ikusi handiago | Argazki originala

Lehen sektoreari eskainitako Innagrotables I. Foroan, Madrilen, aurkeztu dabe Turtolio proiektua. Bertan parte hartzen dabe Gorbeialdeko Kerixara gaztandegiak eta Kerizara landa-etxeak, baita Neiker-Tecnaliak eta Noemi Salazar Gomez nekazal-konsultoreak be.

Idiazabal jatorri deituradun gaztaia egiteko eta erregai biologikoa lortzeko, koltzea erabilten dabe proiektu horretan. Beste metodo batzuen aldean alternatiba jasangarria dala eretxita, azokako arduradunek Nekazaritzako Barrikuntza Saria emon deutsie.

Turtolio proiektua, ostera, Eusko Jaurlaritzearen lehen sektorearen lehiakortasuna eta iraunkortasuna hobetzeko egitasmoaren barruan dago, animaliak elikatzeko zein energia barriztagarriak sortzeko atalean. Gorbeialdean leku aproposa topau dau proiektuak, Otxandioko Kerizara landa-etxeak eta Aramaioko Kerixara gaztandegiak probau dabe eta, biak be Gorbeiako Parke Naturalaren mugen barruan.