Vulcano pirotekniak irabazi dau Bilboko Su Artifizialen Lehiaketea

Aburto eta Urtasun, Vulcanoko ordezkariari saria emoten (argazkia: Bilboko Udala) | Ikusi handiago | Argazki originala

Aste Nagusia amaitu barri da eta Bilbo Uria Su Artifizialen Nazinoarteko 27. Lehiaketeak badauka irabazlea; epaimahaiak holan erabagita, Madrilgo Vulcano etxeari emon deutsie sari nagusia. Juan Mari Aburto alkateak eta Itziar Urtasun Udaleko Jaietako zinegotziak emon deutsiez txapela eta garaikurra Vulcanoko ordezkariei, domekan udaletxean egindako ekitaldian.

Aurtengo su artifizialen lehiaketan zazpi konpainiak parte hartu dabe, Frantziakoak, Espainiakoak eta Italiakoak. Abuztuaren 19tik 25era bitarteko gau guztietan bota ditue suak. Hain zuzen, azken egun horretan izan zan Vulcanoren txandea eta aurreko guztien lana hobetu eban, epaimahaiaren ustez. Jaialdia biribiltzeko, zapatuan, hilaren 26an, Arratiako Astondoa pirotekniaren su artifizialak egon ziran Bilboko zeruan, lehiaketaz kanpo.

Vulcano eta Astondoa konpainiez gan, honeek parte hartu dabe Aste Nagusian: Hermanos Ferrández (Murtzia), A.P.E. Parente Romualdo (Italia), Pirotecnia Turis (Valentzia), Féérie (Frantzia), Pirotecnia Esteban Martín (Granada) eta Martarello (Italia).

Ohiko moduan, piroteknia ikuskizunak Aste Nagusiko hitzordu jentetsuenetako bat izan dira. Bilboko zubi, balkoi, plaza eta parkeetan milaka lagun batu dira suak ikusteko. Bilboko Udalaren behin behineko datuen arabera, 100.000 lagun inguru batu ditue su artifizialek bataz beste, gauero.