Disko berezia plazaratu dabe Mungialdeko musikariek eta Taket bertso eskoleak

| Ikusi handiago | Argazki originala

Alkarlanean sortutako proiektua da Bertso guztien habia diskoa, Taket bertso eskolako kideak eta eskualdeko musika-talde ugarik parte hartu dabe eta. Bertsolarien eta musikarien arteko loturea estutzea, alkarlana indartzea eta lekuko sormen-potentziala erakustea dira helburuak, bultzatzaileek azaldu dabenez.

Honeek dira diskoko parte-hartzaileak: Herriko trikitilariak, rockeroak, musika eskolakoak, Taberna Ibiltaria, Itziarren Semeak, Belako, Rafa Rueda, Noizean Behin eta Kherau. Baita Taket bertso eskolako kideak be.

Mungian eta inguruetan egindako diskoa da oso-osorik: Diseinua, grabazinoa, edizinoa... horregaitik, Made in Mungia egitasmoa dala dinoe. Askotariko estiloak, idazkerak eta gaiak buztartzen dira diskoan. Kanta guztiak Mungialdeagaz eta bertsoakaz lotuta dagoz: auzoak, bertso-eskolako gazteak, emakume bertsolariak, parrandea, Taket bertsolari zaharraren ibilbidea eta abar.

Diskoa Mungiako liburutegian dago salgai, bost euroan.