Arrastian be, makinatxu bat hitzordu

Goizeko jentetzearen aldean, nasaiago ibilteko aukerea dago orain Landakon. Ikasleak izan dira nagusi bai erakusmahai artean bai ganerako guneetan be. Arrastian be Azokea martxan dago, egitarau bete-beteagaz ganera. Inaugurazino-ekitaldi ofiziala 18:30ean egingo dabe, Areto Nagusian.

Herrialde konbidaua Okzitania da, halanda ze, sarrera-berbaldia Sèrgi Javaloyèsk egingo dau, Occitània, mei qu'un país, un orizont cosmopolita (Okzitania herrialde batetik haratago, etorkizun kosmopolita) izenburupean. Erakunde publikoetako ordezkariak be bertan izango dira.

Gune guzti-guztietan egongo da zer egin eta ikusi, Azokeak ateak zarratu arte, 20:00ak arte. Areto Nagusian, Emakumeak eta euskal literaturea berbaldi-tailerra emongo dabe, 15:30ean. Saguganbaran, 17:00etan, Pirritx, Porrotx eta Marimotots pailazoak izango dira.

Ahotsenean makina bat emonaldi eta barriketaldi dagoz aukeran, zerrendea luzea da: Xaiko, Eskean Kristö, En Tol Sarmiento, Revolta Permanent, Enkore, Jon Elizalde, Pako Aristi, Yolanda Arrieta eta abar. Irudienean, 19:30ean, Ander Odriozolak zuzendutako Bingen pelikulea proiektauko dabe.

Gauerako plana gura dauenak be topauko dau. Plateruenan, 23:00etatik aurrera, Vendetta eta Hesian taldeek euren disko barriak zuzenean aurkeztuko ditue.

Arratsaldeko egitarau osoa ikusi gura izan ezkero, hemen.

Ikusi argazki guztiak handiago