Lurra taldeak 'Akatsa sisteman' diskoa kaleratu dau

Hamabi kanta batu ditu Lurra laukoteak Akatsa sisteman (5Gora) bigarren diskoa. Blues, reggae, ska, jazz, indiefolk, dub eta ragtime doinuekaz atondu ditue abestiok. Kolaboratzaile zerrenda luzea izan dabe: Petti, Xabi Solano, Sergio Patxuko, Maite Neighbor eta Jon Elizalde, besteak beste. Zemendiaren 8an, Oreretako Mikelazulon joko dabe, 20:30ean.

Lurra taldea Ane Garciak (ahots nagusia), Iñigo Muguruzak (gitarra akustikoa), Carlos Zubikoak (bajua eta koroak), Iban larreburuk (bateria) eta Xabi Dolsek (bateria zuzenean) osotzen dabe. Kantetako berbak Garcia eta Muguruzarenak dira; musikea, ostera, Zubikoarena eta Muguruzarena.

Sistemaren akatsak zeintzuk diran badaki laukoteak, gizatasuna galtzea, inguruari errespeturik ez, lukurreria ipintea bihotzaren aurretik. Diskoaren lehenengo kanteak (Fenneh) holan dino: Nire tristura orain zurea da.

Daborduko hasi dira aurkezpen kontzertuak emoten, zapatukoaz gan, beste lau ditue berbatura oraingoz: zemendiaren 27an, Gasteizko Parralen; hilaren 28an, Berko Katakun; abenduaren 6an, Durangoko Azokako Ahotsenean gunean; eta, abenduaren 20an, Irungo Kabigorrin.

Ikusi argazki guztiak handiago