Zarata Fest musika arraroen jaialdia barikuan hasiko da

| Ikusi handiago | Argazki originala

Garagarrilaren 4an eta 5ean egingo da Zarata Fest musika jaialdia, Bilboko Deustuko itsadarrean dagoan Espacio Open aretoan. Performancea, ahotsa, elektronikea, jantzea, berbaldiak eta bideoak nahastauko dituela dinoe antolatzaileek. Magmadam taldeak, Itziar Markiegi eta Myriam Petralanda bikoteak, abiatuko dau Zarata Fest, 20:00etan.

Talde zaratatsuz beterik sortu zan -dinoe antolatzaileek - eta azkenean, zaratea bera programetako erespide bihurtu da, gure jarrerea. Aurten bederatzigarren edizinoa dabe.

Iruñea eta Dimako Magmadamek folk eta zarata esperimentala aurkeztu ostean, ondoko taldeek jardungo dabe Espazio Openen: Tomas Gris & Loty Negarti (Madril eta Bilbo, dialektikea-inprobisazinoa); Yolanda Uriz & Angel Faraldo (Holanda, elektroakustikea); El Palomar (Bilbo, Txemi Artigas, Al Karpenter, Alberto Lopez eta Fernando Ulzion, garage-rocka); Hector Rey plays Antoine Beuger (Bilbo eta Berlin, biolina); L´Ocelle Mare (Thomas Bonvallet, deseregitako folka); Miren Jaio (Bermeo, soinu teorikoa); eta, Nefertitis (Alba Burgos, Jorge Nuñez eta Natalia Vegas, pop sexy egipziarra).

Zapatuko emonaldiak be 20:00etan hasiko dira. Hemen, joko daben bandak: Wet (Frantzia, free drum&bass); Marion Cruza (Bilbo, formanpace); Amaia Urra (Donostia, eskultura situazionistea); Arnaud Riviere (Frantzia, art brut); Colombina´s (Hondarribia eta Rotterdam, Sandra Cuesta & Larraitz Torres, pop metafisikoa); Enxamio do carneiro (black metal); Mattin (Stockholm, deseregitako praxia); Antinoo (avantnoisepop).

Kontzertu bakotxa gehienez 20 minutukoa izango da.