Kazetarien erronkak gaur: eleaniztasuna, konbergentzia eta lan aukerak

| Ikusi handiago | Argazki originala

Astelehenean, urriak 21, goizeko 9:00etatik aurrera, UPV/EHUren Bizkaia Aretoan (Abandoibarra, 3. Bilbo) Kulturbasque 2013 Ikastaroen barruan, Kazetarien erronkak gaur: eleaniztasuna, konbergentzia eta lan aukerak jardunaldia egingo da.

Komunikazinoak eta kazetaritzeak momenturik onena eta txarrena bizi dabe aldi berean. Neurri handi batean, kontraesan horren erantzule doguz internet eta teknologia barrien garapen azkarra. Alde batetik, ezin uka barrikuntzok kazetarientzat mesedegarriak izan diranik, irrati/telebista kate eta produktu mediatikoak areagotzea ekarri dabelako. Era berean, ostera, aldaketok funtsezko galderak azaleratu ditue jarduera profesionalaren eta negozio ereduen garapenaren alorrean. Era berean, komunikabideen eta hizkuntza gitxituen arteko hartu-emonak eta kazetarien hizkuntza-aniztasunaren fenomenoaren azterketea be egingo da.

UPV/EHUren irakasle Irati Agirreazkuenagak, Estitxu Garaik eta Ainara Larrondok koordinetan daben eta euskeraz, gazteleraz eta ingelesez izango dan mintegi honen helburua itaun horreek argitu eta, adituen ikuspegiari esker, kazetaritzearen alorreko profesionalak trebatzea izango da. Izan be, agertoki barriak, krisia ez eze, aukerak be baditu, eta ezinbestekoa da arrakasta eta sormenez jokatzeko gakoak ezagutzea. Aitatutako egoera korapilatsuaren gainean gogoetea eta eztabaidea pizteko asmoz, unibersidadeko eta hedabideetako zenbait adituk hiru erronka nagusi horreek aztertuko ditue.

Ekitaldiaren programea hauxe da:

9:00. Dokumentazinoaren banaketea.

9:15. Language in the Media: Challenges of Multilingual Communication. Hizlaria: Dr. Helen Kelly-Holmes. University of Limerick (Irlanda).

10:15. El impacto de la convergencia en las redacciones y la gestión: innovaciones de contenido, nuevas rutinas y cambios profesionales. Hizlaria: Dr. Pere Masip. Universidad Ramón Llull (Barcelona).

11:15. Atsedenaldia.

11:45. Kazetarien lanposturako kurrikulum egokia. Hizlaria: Abarne Sekades Zamalloa. Euskal Irrati Telebista (EITB).

12:45. Komunikabideak Euskal Herrian: non gaude eta nora goaz. Hizlaria: Dr. Josu Amezaga. UPV/EHUko irakaslea.

Arratsaldean. Mahai-ingurua: Eleaniztasuna, konbergentzia eta lan aukerak Euskal Herriko hedabideetan. Parte-hartzaileak: Iñigo Herce (Eitb.com), Eneko Azkarate, Idurre Eskisabel (Berria), Josu Amezaga (UPV/EHU).