Naturaren Argazkilariak 2013 erakusketea Bilbon ikusgai garagarrilean

| Ikusi handiago | Argazki originala

Bizkaiko Foru Aldundiaren Ondare aretoan Naturaren Argazkilariak 2013 erakusketea dago ikusgai garagarrilaren 30era arte. Urtero parte hartu nahi daben Europako argazkilari profesional nahiz afizionatuentzat zabalik dagoan GDT European Wildlife Photographer of the Year lehiaketako irudi-bilduma bat egongo da ikusgai erakusketan.

Urtero lehiaketara aurkezten dituen irudiei esker Europako naturaren argazkilarien artea islatzea da lehiaketearen helburua, Bizkaiko Foru Aldundiko iturriek jakinarazo dabenez.

GDT Alemaniako Naturaren Argazkilarien Alkarteak (GDT-Gesellschaft Deutscher Tierfotografen) egiten dau lehiaketearen deialdia. Alkartea 1971n eratu zan eta Alemanian eta beste herrialde batzuetan bizi diran 1.200 argazkilari baino gehiagok osotzen dabe.

Argazkigintzako 25 babesleren laguntzinoa dauka eta 15 eskualde-taldetan eta argazkilari gazteen talde batean egituratzen da. Horreek guztiak sarri batzen dira aurkezpenak egin, esperientziak trukatu edo taldearen interesekoak diran jarduerak martxan jarteko. GDTko kideak argazkilari europarrak dira, profesionalak nahiz afizionatuak, eta nazinoarteko ospea daben kideen artean, Frans Lanting, Nigge Klaus, Norbert Rosing, Ingo Arndt, Winfried Wisniewski, Nill Dietmar edota Andy Rouse nabarmentzen dira, besteak beste.

Lehiaketeagaz argazkiaren bidez naturearen ezagutza eta militantzia era aktiboan sustatzea lortu nahi da, hau da, argazkigintzeari esker naturea erakutsi eta defendiduteko aukereagaz liluratu nahi dira herritarrak.

Bilboko Maria Diaz de Haro kalean dagoan Ondare aretoa 10:00etatik 13:00etara eta 17:00etatik 21:00etara dago zabalik astelehenetik barikura, eta 10:00etatik 14:00etara zapatuetan.