Green Day, Two Door Cinema Club, Delorentos, Delorean, We Are Standard eta L.A. Bilbao BBK Live jaialdian izango dira

| Ikusi handiago | Argazki originala

Bilbao VIII. BBK Live jaialdiko bigarren kartelburua ezagutarazo dabe gaur: Green Day, hain zuzen be; talde estadubatuarraren kontzertua gaur bertan iragarri dabe antolatzaileek eta, aurreikusitakoaren arabera, 2013ko udan eskainiko daben kontzertu bakarra izango da Bizkaiko uriburukoa. Biliie Joe Armstrongek zuzendutako punk rock taldea ¡Uno!, ¡Dos! ¡Tre! disko trilogia preparetan dabil azkenaldian eta egunotan jakin dogunez, Green Day taldeak bertan behera itxi ditu 2012an emon behar zituan kontzertu guztiak, taldeko abeslaria errehabilitazino klinika batean dagoalako.

Gogoratu, oraintsu zabaldu ebela antolatzaileek Depeche Mode taldea be Kobetamendin izango dala 2013ko garagarrilaren 11n.

Edozelan be, aitatu kartelburuez gan, gaur jakin dogu Two Door Cinema Club, Delorentos, Delorean, We Are Standard eta L.A. be Kobetamendin iznago dirala garagarrilaren 11tik 13ra bitartean egingo dan Bilbao BBK Live jaialdian.

BBK Liverako sarrerak

Hiru eguneko bonua salgai dago honezkero eta abenduaren 11ra arte 85 euroan (+ banaketa gastuak) eskuratu ahal izango da. Gainera, BBK 26 txartelagaz erositako lehenengo 500 bonuek 15 euroko deskontua izango dabe (txartel bakotxeko bonu bakarra erosi ahal izango da).

Sarrerak BBK-ko kutxazainetan ez eze, Ticketmaster Sarean, www.itinews.net webgunean, 902 15 00 25 telefonoan, FNACen, Carrefourren eta Halcon Bidaiak bulegoetan egongo dira salgai.

Bilbao BBK Live Bereziak

- Zemendiaren 10ean, Bilboko BBK Salan, 20:30ean, Blind Melon.

- Abenduaren 14an, Bilboko BBK Salan, 20:30ean, Rich Robinson.