Goizalde Landabaso eta Juan Carlos Marquezen testuek abiatu dabe V. Bizkaidatz sariketea

Bizkaiko Foru Aldundiko Kultura Sailak Bizkaidatz literatura sariaren bosgarren edizinoa aurkeztu dau. Kontakizun biren hasierea proposatzen jakez parte-hartzaileei, eurek istorioa amaitu deien. Goizalde Landabaso kazetariak idatzi dau euskerazko ipuinaren abiapuntua, Memoriaren mutazioa; eta, Juan Carlos Marquezek gaztelaniazkoa, Donde ya solo hay mar.

Euskerazko eta gaztelaniazko lehenengo saridun bakotxak 1.500 euro eta diplomea jasoko ditue; kategoria bitako bigarren saridunek, 500 euro eta diplomea; eta finalista guztiek diploma bana eukiko dabe. Epaimahaiari jagokonez, euskerazko lanak David Tijero Osoriok eta Iñaki Mendizabalek aztertuko ditue, eta gaztelaniazkoak, Esther Zorrozuak eta Seve Callejak.

Bizkaidatz Jarraitzeko prest? Orain zure txanda da ekimenaren helburu nagusia bizkaitarren irudimena eta sormena bultzatu eta egun berezi bi gogorarazotea, bata urriaren 24a, Liburutegien Nazinoarteko Eguna, sarien aurkezpen eguna, eta bestea, apirilaren 23a, Liburuaren Nazinoarteko Eguna, testuak argitaratzeko eguna.

Goizalde Landabaso kazetaria eta idazlea da. Gaur egun Radio Euskadin lan egite dau, baina aurretik ia hamar urtez jardun eban Euskadi Irratian. Urteotan kolaboratzaile izan da Deia, El País, Berria, Aizu! eta Habe argitalpenetan. Korte bat, mesedez liburua argitaratu eban 2000. urtean, Alberdania argitaletxearen eskutik, eta 2005ean, Jat poesia liburua, Elea argitaletxean.

Juan Carlos Marquez Informazino Zientzietan lizentziaduna da. Hainbat komunikabidetan egin dau lan, gaur egun Madrilgo Idazle Eskolan tailerrak eta ikastaroak emoten ditu. Hiru kontakizun-liburu idatzi ditu: Norteamérica profunda (2008), Oficios (Tiflos saria, 2008) eta Llenad la Tierra (2010). Igaz, Tangram nobele idatzi eban.

Ikusi argazki guztiak handiago