Musikea, literaturea, ikus-entzunezkoak... danetariko eskaintzea Durangoko Azokearen amaieran be
2011-12-07 17:03 KultureaEguena, hilak 8, Durangoko 46. Liburu eta Disko Azokara hurreratzeko azkenengo eguna izango da. Dana dala, badago astia, izan be iluntzeko zortzirak arte zabalik egongo da-eta Landakoko gunea. Ateak zarratu baino ordu batzuk lehenago, 11:30ean, Gerediagak Azokearen balorazinoa egingo dau.
![](https://media.bzkcdn.com/argazkiak/fu/cache/s1462829506azoka7_content.jpg)
Abenduak 8, azkenengo aukerea
Eguena, Durangoko 46. Liburu eta Disko Azokara hurreratzeko azkenengo eguna izango da. Dana dala, badago astia, izan be iluntzeko zortzirak arte zabalik egongo da-eta Landakoko gunea. Ateak itxi baino ordu batzuk lehenago, 11:30ean, Gerediaga alkarte antolatzaileak Azokearen balorazinoa egingo dau, Aretoa gunean. Hantxe esango deuskue zenbat jente ibili dan Durangon, zelango harrerea euki daben gune barriek eta abar.
Aretoan bertan, 13:00etan, aurtengo garagarrilean joan jakun Bittor Kapanaga idazle eta euskaltzale otxandiarrari omenaldia egingo deutse, Bagare, bagera, bagire, bagara... lemapean. Kapanaga hurretik ezagutu eben Unai Iturriagak, Antton Mari Aldekoa-Otalorak, Patxi Alañak eta Gontzal Mendibilek hartuko dabe oroimen-ekitaldian.
Ahotsenean, eguenean be, makina bat kontu. Inoconexia (11:00), Estankona (12:00), Itziarren semeak (134:30), Odd Heathenish (15:30), Xabier Montoia (17:30) eta Klak!son (19:30) taldeek joko dabe, besteak beste, zuzenean. Aurkezpenei jakogienez, hementxe, protagonisten lagin txiki bat: Mitxelko Uranga, Xipri Alberbide eta Eñaut Etxamendi.
Irudienean, galiziarrak izango dira nagusia. Musikaklipak galegoz egindako musika-bideoan emonaldiagaz edegiko ditu ateak Irudieneako autobusak, 11:00etan; eta, handik ordu bira, 13:30ean, Digna rabia proiektauko dabe, Francoren sasoiko emakume galizarri buzruzko dokumentala. Zuberoan egindako Xora filma (15:30) eta Gotzon Elortzaren euskerazko lehenengo dokumentalak (16:30).
Umeen Literatura Aretoa 10:30ean hasiko da martxan, Irakurketa Txokoa abiatzeaz batera. Arrastian, 15:00etan, Miren Gonzalezek 3-5 urte bitarteko umeei zuzendutako ilustrazino-tailerra eskainiko dau; eta, 17:30ean, Jakin eta Jolas taldeak Asmakizunak salgai antzezlana eszenaratuko dau.
Szenatokian ipuin interaktiboek hartuko dabe egun osoa, Ametz eta Su Bolaren bitartez. Aletx Txikonen Aizkora hotsak goi mendietan"(20:30) lanak itxiko ditu Szenatokiko ateak.
Euskal Dendea, Durangoko merkatu-plazan, eguenean be zabalik egongo da, 11:00etatik 14:00etara eta 16:30etik 20:00etara. Sarrerea, 1,20 euroko da.
Plateruenan ekitaldi bi izango dira: 12:30ean, Joseba Jakaren omenezko Herri Lasterketearen sari-banaketea; eta, 18:00etan, Etxe eta Akrobatak taldeen zuzenekoa.
Durangoko Azokearean egitaraua, zehatz-zehatz, hemen.
Erantzun
Erantzuteko, izena emanda egon behar duzu. Sartu komunitatera!