Jazza, bluesa eta komikiak lotuko ditu Getxoko X. Komiki Azokeak

| Ikusi handiago | Argazki originala

Badator Getxoko Komiki Azokea, aurtengoa hamargarren edizinoa izango da. Zemendiaren 25etik 27ra bitartean Getxoko Areetako Geltoki plazako karpan komikizaleek eskaintza zabala izango dabe tailer, erakusketa eta erakusmahaien artean. Egitaraua aurkeztu bitartean, Bulles Jazz Blues: komikia swing erritmoan erakusketearen barri emon dabe azokearen antolatzaileek. Waloniako eta Brusela-Uriburua eskualdeetako artista ospetsuen lanek jazzaren eta bluesaren munduaren inguruan erakusten daben ikuspegia jasoko dabe, izan be musika mota horreek sarri ageri dira euren istorioetan. Walonia-Bruselako Erkidegoko Nazinoarteko Harremonetarako Komisariotza Nagusiak bultzatu dau ekimena.

Erakusketeak komikigileen lan originalen 57 erreprodukzino eta formatu handiko panelak izango ditu. Centre Belge de la Bande Dessiné ezagunak egindako ikerketa baten emoitzea da, hain zuze be. Bisitariek komikiaren eta jazz eta blues doinuen arteko hartu-emon estua ikusteko aukeera eukiko dabe. Komikigileak belgikarren istorioetan personaiek sarritan Louis Armstrong, Sonny Rollins, Stan Getz eta Thelonious Monk musikariekaz egiten dabe topo. Ganera, egileak musikea erabilten dabe binetak gidatu eta girotzeko; jazz klubak, kontzertuak eta bat-bateko saioak ageri dira Lucky Luke edo Gaston Lagaffe ospetsuen abenturetan. Horrezaz gan, musikea protagonista izan da askotan Belgikako komiki aldizkari handienen azaletan, berbarako, Tintinen eta Spiroun

Bulles Jazz Blues erakusketea Montreuxeko (Suitza) eta Vienako (Austria) jazzaldietan egin da, eta komikiagaz lotutako jardueretan bere bai.