Uhinbak, euskerazko irratiak eskuko telefonoan entzuteko aplikazinoa eskuragarri dago

| Ikusi handiago | Argazki originala

Berria Fundazinoak Uhinbak aurkeztu barri dau, euskerazko irratiak eskuko telefonoan entzuteko aplikazinoa. Antxeta irratiak garatu dau, FitBak enpreseagaz batera. 2010. urtean Berria Fundazinoak euskerazko hedabide proiektuak laguntzeko sortutako Berria bekeari esker gauzatu da egitasmoa.

Daborduko hamabi irrati entzun daitekez Uhinbaken bitartez: Antxeta Irratia (Hendaia-Lapurdi), Bilbo Hiria Irratia (Bilbo-Bizkaia), Bizkaia Irratia (Bilbo-Bizkaia), Gure Irratia (Uztaritze-Lapurdi), Xiberoko Botza (Maule-Zuberoa), Irulegiko Irratia (Donibane-Garazi-Nafarroa Beherea), Euskalerria Irratia (Iruñea-Nafarroa), Hala Bedi Irratia (Gasteiz-Araba), Ttan Ttakun Irratia (Donostia-Gipuzkoa), Txolarre Irratia (Anoeta-Gipuzkoa) eta Xorroxin Irratia (Elizondo eta Lesaka-Nafarroa).

Uhinbak erabili ahal izateko beharrezkoa da multimedia edukiak erreproduzidu eta Interneten nabigatzeko prestaura dagoen telefonoa (Android/Iphone) eta Internet konexioa. Aplikazinoa instaletako hiru bide dagoz: Apple app store, Android market eta www.uhinbak.eu webgunea.

Berria beken lehenengo deialdian hamar proiektu aurkeztu ziran. Bost lagunek osatutako epaimahaiak (Nagore Amondarain, Josu Amezaga, Andres Gostin, Joanamari Larrarte, Ana Ollo, Martxelo Otamendi) erabagi eban Antxeta irratiak aurkeztutako proiektua zala laguntza jasoteko proiekturik egokiena.