'Euskarari ekarriak': 913 idazle eta 2.200 idazlan

| Ikusi handiago | Argazki originala

Armiarma atariak gune barri bat abiarazo dau: 'Euskarari ekarriak'. Munduko literaturatik euskerara itzulitako lanen bildumea egitea dau helburu, eta dagoeneko 913 erdal idazle baino gehiagoren 2.200 idazlanen erreferentziak dakarz: batzuk liburuak, besteak literatur aldizkarietan plazaratutako ipuin, antzerki eta poemak.

Liburu barriak argitaratu ahala eguneratuko da 'Euskarari ekarriak' webgunea, eta hilero bizpahiru liburu emongo ditu osorik sarean. Abendu honetan: Joseph Conraden 'Ilunbeen bihotzean', Marguerite Yourcenarren 'Ekialdeko kontakizuna'k eta Rudyard Kiplingen 'Kim'.

Egitasmoa EIZIE Euskal Itzultzaile, Zuzentzaile eta Interpreteen Alkarteagaz lankidetzan gauzatu dabe Susa argitaletxeak eta Armiarma alkarteak.