Azken astea 'Cai Guo-Qiang: Sinetsi nahi dut' erakusketea Guggenheim Bilbao Museoan ikusteko

| Ikusi handiago | Argazki originala

Erakusketea zarratzeko egun batzuk baino geratzen ez diranean, 528.000 lagun baino gehiagok bisitau dabe 'Cai Guo Qiang: Sinetsi nahi dut' erakusketea, martiaren 17an Guggenheim Bilbao Museoan inaugurau zana, BBVA-ren babesari esker.

Bertan nazinoartean ezaguna dan artista txinatar horren ibilbidea erakusten da; ikusgai jarri diran lanen artean, 'Inopportune Stage One' (2004) instalazinoa dago: Museoko Atrioaren sabaitik zintzilikatu ziran zortzi auto, hain zuzen be.

Irailaren 20an erakusketeak ateak zarratuko ditu baina Guggenheim Bilbao Museoak beste erakusketa interesgarri bat abiarazoko dau; aldi baterako erakusketa honi 'Frank Lloyd Wright' izenburua jarri deutsie eta bertan AEBko izen handiko arkitekto horren ibilbideari omenaldia egingo jako, izan be, harek sortu eban Solomon R. Guggenheim Museum-en egoitza dan New Yorkeko eraikin deigarria eta aurten horren inaugurazinoaren 50. urteurrena beteten da.