Lea-Artibai taldea Bertsolari gazteen XVII. BBK Sariketako finalaurrekora

Bizkaie! 2009-03-05 17:33 Bertsolaritzea

Sariketa honetan aurten, saioak sailkapen-izaerakoak dira eta galtzailea, Busturialdea, eliminauta geratzen dan bitartean, irabazlea finalaurrekoetara pasetan da. Beraz, finalaurrekora pasetan dan taldea Lea-Artibai da eta hilaren 16an, igazko irabazlea dan Bilboaldeko taldeagaz neurtu beharko ditu indarrak.

Markinan ekin jakon bart Sariketeari, Lea-Artibai eta Busturialdeko taldeen arteko saioagaz. Saioa Markinako Lea-Artibai ikastegian jokatu da, 200 ikusleren aurrean eta giro ezin hobean, kantari ari zirea bertsolarietako batzuk, ikastegian bertan ibilitakoak baitziran, beraz, entzuleen ikaskideak. Aurkezle lanetan Maite Berriozalbal ibili da eta epaimahaia Juanjo Respaldiza, Arkaitz Estiballes eta Gorka Intxaurbe adituek osotu dabe.

Ondokoak izan dira kantau daben bertsolari gazteak:

	LEA ARTIBAI	BUSTURIALDEA
18 urte arte	Nerea Ibarzabal Josune Aramendi Elene Lejartegi	Nagore Beitia Jone Larrinaga Aitor Beitia
19-24 urte bitartean	Xabier Iturraspe Xabat Galletebeitia Eneko Arrate	Olatz Ibarluzea Ander Elortegi Amaia Uribe

eta honeek lortutako puntuazinoak:

	LEA ARTIBAI	BUSTURIALDEA
18 urte arte	178	177,5
19-24 urte	248	242
Danetara	426	419,5

Sariketa honetan aurten, saioak sailkapen-izaerakoak dira eta galtzailea eliminauta geratzen dan bitartean, irabazlea finalaurrekoetara pasetan da. Beraz, finalaurrekora pasetan dan taldea Lea-Artibai da eta hilaren 16an, igazko irabazlea dan Bilboaldeko taldeagaz neurtu beharko ditu indarrak.

Datorren astean jokatuko dira sailkapeneko saioak eta hurrengoetan finalaurrekoak eta finala.

Sailkapen-saioak

Eguna	Taldeak	Lekua	Ordua
2009/03/09	Durangaldea - Ipar Uribe	Durango: institutua	12:00
2009/03/10	Arratia - Enkarterri	Igorre: Lasarte kultur aretoa	11:30

Finalaurrekoak

Eguna	Taldeak	Lekua	Ordua
2009/03/16	Bilboaldea - Lea Artibai	Bilbo: Txurdinagako G. Aresti inst.	11:45
2009/03/18	9ko eta 10eko irabazleak	Derio: Txorierri BHI institutua	12:15