Eñaut Intxaurragagaz berbaz

| Ikusi handiago | Argazki originala

Maiatza aurrera joan ahala, Bizkaiko Txapelketa Nagusirako lekuak argituz eta eskualde bakotxeko buruen buruak txapelez tapauaz doaz. Honezkero badakigu Busturialdea, Ipar-Uribe eta Arratiako txapeldunak nortzuk diran. Xabi Enbeitak eta astegoien honetan kantau daben Arrate Illarok eta Eñaut Intxaurragak gordeta daukie euren lekutxoa final-laurenetan. E. Intxaurragak gainera, hirugarren txapela dau aurtengoa. Bizkaie! Arratiako txapeldunagaz egon da finaleko eta final osteko gogoetak batzen. Zeaniztarrak atoan eta gustura erantzun deutso gure deiari:

1- Zelan sentiduten zinan finalaren aurretik? Esperientziak aparteko konfiantzarik emoten dau?

Saiora nahiko nerbioso joan nintzan. Neure burua lar presionau neban igual, aurreko txapelketako esperientzia txarrak presinoa handitu eustala pentsetan dot. Halanda be, jakin neban bertsotan ondo egiteko kapazidadea daukadala eta gauzak ondobidean txapelagaitik burrukan ibiliko nintzala.

2- Zelan sentidu zinan finalaren ostean?

Gustura akabau neban egindako saioagaz. Ofiziotako beharrak ez ninduan asko ase baina bakarka nahiko zentrauta topau neban neure burua eta disfrutetara be heldu nintzan.

3- Zelan ikusi dozuz beste bertsolariak?

Iñaki Iturrioz ‘Iturri’ ondo ikusi neban saio guztian, imajinetan neban nigandik urrunegi ez zala ibiliko. Jabi Olibares ofiziotan ez zan ibili bere nibelean baina bakarka behar sano polita egin eban. Manex aspaldian entzun barik euki dot eta saio polita egin eban. Eta Illart espero neban baino erritmo hobean ibili zan, kunplidu baino gehiago egin eban.

4- Ze asmogaz zoaz Bizkaiko Txapelketara?

Orain urte bi baino distantzia handiagoa hartuko deutsat txapelketeari. Horrek ez dau esan gura ez nazala preparauko baina lasaiago hartu gure neuke.


5- Preparazino berezirik egin dozu?

Aurreko asteetan Jabi, Iturri eta hirurok batu izan gara entrenetan. Agurrean esan neban moduan txapela nirea baino hirurona da beti alkarregaz preparetan dogulako txapelketea.


Galdera labur batzuk Eñaut:

1. Liburu bat: Otto Pete
2. Idazle bat: Anjel Lertxundi
3. Abeslari/talde bat: Benito Lertxundi
4. Kanta bat: Izarren hautsa
5. Bidaiatzeko leku bat: Londres
6. Biziteko leku bat: Zeanuri
7. Jateko bat: Arrautza prijidua
8. Bertsolari bat: Maialen Lujanbio
9. Bertso bat: Egañak burua berbea deskribiduteko kantau ebana ‘gehiegik gutxiegi erabiltzen duna’.
10. Zeure bertso bat: Etxatortak bat(señale txarra).
11. 2008ko Bizkaiko txapelduna: Unai Iturriaga.