Mundumira Bergaran ospatuko da

| Ikusi handiago | Argazki originala

Mundumira munduko kulturen jaia Bergaran ospatuko da bagilaren 6tik 8ra bitartean. Gipuzkoako Debagoiena eskualdea lurralde desbardinetatik etorritakoen topagune bihurtuko da eta, aldi berean, aukerea izango da euskal ondare historikoa, artistikoa eta naturala erakusteko eta ezagutzeko.

'Euskal Herria' aldizkariagaz batera jaialdia antolatuko dauen Debagoiena Mankomunidadeko Turismo eta Kultura Sailak jakinarazo dauenez, jaialdia etorkizuneko gizartearen erakuslea izan daiteke, 'bizirik dagoan lurralde batean sortzen danaren erakusle, beti be norberaren kulturearen ezaugarriak mantenduz eta beste kulturen ezaugarriak ezagutuz'.

Jarduera honegaz, eskaintza integrala egin gura da, zabala, danetarikoa. Eskualdearen irudia Euskal Herrian zehar zabaltzea da helburua eta, aldi berean, turismoa, aisialdia eta kulturea zabaltzea.

Jaialdiak atal desbardinak izango ditu: mundu osoko musikak (kontzertuak, tailerrak...); erakusketak eta mahai-inguruak; umeentzako jolasak; mendi irteerak...