RSS: norberaren gustuko edukiak

| Ikusi handiago | Argazki originala

Interneteko barriak, blogak, webguneak,foro eta antzekoak kontau ezinak dira. Askotan, seguru, guri intesetan jakun infomazino mordo bat mobiduten da baina ezin gara danetara ailegau. Eta zer pasauko litzateke gune horreetako barrien laburpenak geure esku egongo balira? Eta informazino hori momentuan (on-line) eguneratuko balitz? Labur-labur esanda, hori egiten deuskue RSS izeneko zerbitzuek.

Izatez, RSS ('RDF Site Summary' edo 'Really Simple Syndication') XMLren familiako fitxategi mueta bat da. Albistez osotuta dagozan webgune edota blogen azken barriak, eguneratu ahala, gure gunera ailegetan jakuz. Ingelesez 'syndication' izena emon jako.

RSS zerbitzuak gero eta gehiago erabilten dira nabigatzeileen artean. Hau da, zergaitik galdu behar dot denporea egunkarietako web guztietatik pasetan bertako albisteak ikusteko, gura doguzan guneetako albisteak batu eta danak batera eskuratu ahal izan ezkero? Ganera, eguneraketa bat egon ezkero, informazinoa berehala jasoko dogu, online.

Ez dira agertuko albiste guztiak, nik neuk aukeratutakoak baino. Berbarako, egunkari batetik kiroletako arloa gura dot eta beste egunkari batetik politika edota eritxi arloak gura dodaz. Holan, ia-ia nire egunkari propioa sortu neike.

Berbarako, enpresa batek berari buruz zer aitatzen dan jakin gura dau. Horretarako, RSS zerbitzua erabiliz, enpresa horren izena edozein albiste-gune edo forotan aitatzen dan bakotxean, enpresa horrek holako notifikazino bat jasoko dau.

Beste adibide batzuk. Azken orduko hegaldi merkeak zeintzuk diran jakiteko be balio dau sistema honek. Holan, ez gara Interneten batetik bestera eskaintza bereziak topetan ibili behar.

Imaginazinoa erabilita, beste emendio batzuk be lor daitekez. Estadu Batuetan, antzezlanen edota filmen estreinaldiak noiz diran abisetako be erabilten da: mezua eskuko telefonora ailegauko jaku.

Hori da Interneteko hurrengo urteotarako jorratu beharreko bidea: Sarean dagozan eduki guztiak hartu, batu eta ondo preparau, pertsonalizauta. Horra hor erronkea.