Guggenheimeko artelanak aztergai Basurtuko eta Gurutzetako ospitaleetan
2007-02-09 01:00Hamargarren urteurrena ospatzen dauen urtean, Guggenheim Bilbao Museoak urte osoan garatzen dituan familientzako jarduerak Gurutzetako eta Basurtuko ospitaleetara eroango ditu, museoaren helburu didaktikoa Euskal Herriko gizartearen arlo barrietara zabaltzeko helburuagaz.
Hamargarren urteurrena ospatzen dauen urtean, Guggenheim Bilbao Museoak urte osoan garatzen dituan familientzako jarduerak Gurutzetako eta Basurtuko ospitaleetara eroango ditu, museoaren helburu didaktikoa Euskal Herriko gizartearen arlo barrietara zabaltzeko helburuagaz.
Bilboko museoak eta aitaturiko bi ospitaleek lankidetza-hitzarmena sinatu dabe. Museoaren aldetik, Juan Ignacio Vidarte zuzendari nagusiak izenpetu dau akordioa eta, osasun-zentroen aldetik, Mikel Alvarez Gurutzetako Ospitaleko gerenteak eta Jon Darpon Basurtuko Ospitaleko gerenteak. Gorka Martínez BBK Fundazinoaren presidentea be ekitaldian egon da, BBK museoaren hezkuntza-jardueren babeslea dan aldetik.
Holan, zezeilaren erdialdetik bagilera bitartean, Gurutzetako eta Basurtuko ospitaleetan dagozan 3 eta 12 urte bitarteko umeek jarduera eta tailerren egitarau zabal eta erakargarri batean parte hartu ahal izango dabe. Horreetan, artea hobeto ezagutzeko aukerea eukiko dabe, Museoko Bilduma Iraunkorretik eta aldi baterako erakusketatatik ataratako obrei esker. Obra horreek oinarri legez hartuta, umeek euren artelanak sortuko dabez ospitaleetako irakasleek lagunduta.
Egitaraua honako hau da: zezeilean, ‘Historiadun eskulturak’, eskulturen atzean dagoan hizkuntzea ikasi eta, hori erabilita, istorioak asmetan ikasteko; martian, ‘Armiarma tailerra’, Louise Bourgeoisen armiarmearen inguruan ipuinak asmetako; apirilean, ‘Arte errezetak’, artearen sukaldean materialak nahastetako ‘errezeta’ guztiak; maiatzean, ‘Puppy tailerrak’, Jeff Koonsen obra ezagunaren inguruan ipuinak asmetako; eta bagilean, ‘Ni han izan nintzen: oroimena eta artea’, gerorako hor geratuko diran artelanak sortzeko.
Erantzun
Erantzuteko, izena emanda egon behar duzu. Sartu komunitatera!