Juan Martinez de Irujok zabalduko dau txotx denporaldia Astigarragako Sagardoetxean

| Ikusi handiago | Argazki originala

Juan Martinez de Irujo pelotari nafarrak zabalduko dau txotxa, ‘gure sagardao barria’ oihu eginda. Ekitaldia 2006ko uztearen aurkezpenaren barruan doa, urtarrilaren 17an, Astigarragako Sagardoetxean egingo dan aurkezpenaren barruan, hain zuzen.

Sagardo Barriaren Egunaren 14. edizinoan, aurten, Bereziartua Sagardotegian egingo dau ‘Gure Sagardo Barria’ oihu Juan Martínez de Irujo Iberoko pelotariak, eta ezin hobea datorren uztearen lehenengo kupela edegiko dau, Astigarrako Sagardoetxeko iturriek adierazo dabenez.

Aurretik, sagasti museistikoan, Martínez de Irujok sagarrondo barria landatuko dau, urtero bezela, naturearen indarra eta barritzeko gaitasuna sinbolizau nahi dauen ekintza legez, urtero sagardaoaren inguruan mahaian jesarteko aukerea eskaintzen dau eta.

Danetara, 2006ko sagardao uztan 12 miloe litro dagoz Sagardun erakundeak jakinarazo dauenez.

Irujoren aurretik, Andoni Egaña, Joxe Mari Bakero, Javier Clemente, Julian Retegi, Miguel Indurain, Juan Mari Arzak, Pedro Miguel Etxenike, Joane Somarriba, Martín Fiz, Abraham Olano, Periko, Mikel eta Xabi Alonso, Ainhoa Arteta eta Joxe Luis Korta pertsonaia ospetsuak izan dira txotxa edegi dabenak.