Standard talde getxoztarrak ‘Ojo Critico’ saria jaso dau

Radio Nacional de Españak ‘Ojo crítico’ saria Getxoko Standard taldeari emon deutso zuzeneko proposamenagaitik eta jantza erritmoei jagokonez eskaintzen daben ikuspuntu barriagaitik.

Epaimahaia El Pais egunkariko Fernando Iñiguezek, Benicassimeko jaialdiko zuzendari Jose Moranek, El Mundo egunkariko musika kritikari Pablo Gilek, Dover taldeko Amparo Llanosek, Radio 3 irratiko Chema Reyk eta Lara Lopezek eta ‘El Ojo Critico’ saioko Paloma Zuriagak osotu dabe.

Getxoko seikoteak berezko izateaz jorratzen ditu eragin musikalak. Rocka, funkya eta dance musikearen buztarketea da euren lehenengo diskoa: ‘3.000 v-40.00 w’. Standard talde barria da, ‘Bilbo Hiria’ lehiaketan saria jaso eta Benicassim jaialdiak antolatzen eban igazko maketa lehiaketea irabazi eben. Euren lehenengo diskoa Madrileko Mushroom Pillow diskoetxeagaz plazaratu dabe.