Zartzuelea eta musikalak Euskaldunan Bilboko Aste Nagusian

| Ikusi handiago | Argazki originala

La gran antología de la Zarzuela zartzuela-ikuskizunak zabalduko dau Bilboko Euskalduna Jauregiak Aste Nagusirako preparautako egitaraua abuztuaren 19an. Miramón Mendi José Luis Morenoren produkzino-etxearen eskutik dator eta hiru egun egongo da Bizkaiko uriburuan. 36 abeslari, 18 dantzari, 38 musikari, 7 bakarlari, figuranteak... Danetara, 100 artista inguruk hartzen dabe parte ikuskizunean, tartean Guadalupe Sánchez, Milagros Martín, Gloria Londoño, Vicente Esteve, Albert Monserrat, Diego de León eta Borja Quiza zartzuelako ahotsik ederrenetakoak.

Zartzuelea amaitu eta egun bira, Fama musikala helduko da Euskalduna Jauregira. Leheengo, pantaila handian ikusi genduan eta, gero, telesail arrakastatsua egin eben. Orain, egungo pop musikearen doinuek lagunduta, koreografia ikusgarriak taularatzen dabez Fama musikalean.

Bestalde, bost antzezlan ikusteko aukera egongo da Euskaldunan; Gorda Luis Merlo eta Teté Delgado protagonista dituan obrea, La curva de la felicidad , Como agua para el chocolate , Una noche con Gabino eta Los irrepetibles de Amstel.