Zortzi film estreinauko ditue Donostiako Dock of the Bay musika dokumentalen 5. jaialdian
2012-01-09 10:34 Barriak
Dock of the Bay musika dokumentalen 5. jaialdia egingo dabe Donostian, urtarrilaren 12tik 15era. Lau egunez hainbat proiekzino, kontzertu, berbaldi eta erakusketa eskainiko ditue Trueba eta Principal zinema-aretoetara eta Gazteszena aretoan.
Gozategi taldea Txotx!! 2012 sagardaoaren estreinaldiko programan
2012-01-05 17:07 Musikea
Gozategi taldeak garai barri bat estreinauko dau aurten. Alkarregaz joten hasi ziranetik 20 urte beteten diranez, bere errepertorioko abestirik gogoangarrienak barriro grabau ditue eta udagoienerako prest izango dira diskoan aurkezteko.
Euskeria abesbatzak popeko klasikoak joko ditu Izar & Star zikloaren lehenengo emonaldian
2012-01-05 16:45 Musikea
Izar & Star zikloaren bigarren edizinoa urtarrilaren 12an abiatuko da Campos antzokian, Bilboko Koral Alkarteko Euskeria abesbatzaren eskutik. Euskeriak popeko klasiko handien irakurketa polifonikoa egingo dau. Danetara zortzi emonaldi izango dira, urtarrilean hasi, eta apirilera arte.
Literaturearen Historiografia I. Jardunaldietako txosten guztiak argitara emon ditu Euskaltzaindiak
2012-01-05 14:51
Euskaltzaindiak Literaturaren Historiografia I. Jardunaldietako txosten guztiak argitara emon ditu Akademiaren webgunean. 2010eko abenduaren 10ean eta 11n, Hondarribiko Udaletxean egin zituan topaketok Euskaltzaindiaren Literatura Ikerketa batzordeak.
Expodistrito programeak hilaren 9an hasiko dau aurtengo egitaraua
2012-01-05 14:17 Kulturea
Expodistrito Bilboko barrutietako udaltegietako aldi baterako erakusketa zikloak hilaren 9an inaugurauko dau urteko lehenengo hiruhilekoko programea. Martiaren 31ra arte, Barrainkuako, San Inazio-Ibarrekolandako, Otxarkoagako, Begoñako, San Frantziskoko, Castañoseko eta Burtsa-Ibaiondoko udaltegietara hurreratzen danak zazpi erakusketa ikusteko aukerea izango dau.
Xabier Gantzarainek irabazi dau Tene Mujika bekea
2012-01-05 14:00 sariak-autortzak
Xabier Gantzarain idazle eta arte-kritiko azkoitiarrak irabazi dau aurtengo Tene bekea, Euskal Herriko arte garaikidea eta historia lotzen dituan azterlana egiteko, holan erabagi dauelako sariketako epaimahaiak (Lorea Agirre, Alberto Barandiaran eta Elixabete Garmendiak osotutakoak).
Euskonews Gaztea astekariak be agur dinosku
2012-01-05 12:44
Urte hasierea albiste txar bategaz jatorku, izan be Eusko Ikaskuntzaren ekimenez orain bost urte sortutako Euskonews Gaztea astekari digitalak argitaratzeari itxiko deutso. Zuriñe Velez de Mendizabal agerkariko koordinatzaileak adierazo dauanez, urtarrilaren 6an ipiniko dabe sarean azkenengo zenbakia
'Les adieux à la reine' filmak edegiko dau Berlinale jaialdia
2012-01-05 11:07 Barriak
Benoît Jacquot zuzendari frantsesaren Les adieux à la reine filma izango da 62. Berlinale jaialdiko lehenengoa. Chantal Thomas idazlearen izen bereko nobelea dau oinarri pelikuleak, Frantziako Iraultzaren hasieran dago girotuta, eta Luis XVI. eta Maria Antonieta errege-erreginen zerbitzarien ikuspuntutik kontauta. Berlinale zezeilaren 9an hasiko da, eta 19an, amaitu.
Basauriko Udalak umeentzako euskerazko ipuin laburren lehiaketako sariak banatu ditu
2012-01-05 10:42 Euskerea berbagai
Irabazleei jagokenez, 8-10 urteko kategorian Asier Sanz izan da, Amama eta apoa ipuinagaz, eta 10-12 urteko kategorian Unai Jimenez, Katagorria eta lagunak ipuinagaz; biek netbook bana jaso dabe. Horrezaz gan, aitamen berezia jaso dau Garazi Gonzalezen Olentzero sasi guztien gainetik beti agertzen da Gabonetan ipuinak.
'Birjinia, edo donceil christaba' liburua, Euskaltzaindiaren webgunean
2012-01-04 14:41
Euskaltzaindiak Birjinia, edo donceil christaba izenburuko liburua Akademiaren webgunean ipini barri dau. Argitalpen digitala hemen kontsultau daiteke. Michel-Ange Marin fraile frantsesak 1572an idatzitako lanaren euskerazko itzulpena da. Antonio Mujikak egin dau itzulpenaren transkripzinoa
Bilboko Errege Opil Solidarioa 6.000 lagunentzako doban
2012-01-04 14:20
Cáritas Bizkaia, Lapiko Catering eta Zazpi Kaleetako Merkatarien Elkartearen helburu nagusia haurtzaroagazko alkartasuna da. Horregaitik, Cáritas Bizkaiaren Haurtzaro Programea babestu eta bihar, hilak 5, Plaza Barrira hurreratzeko deia egin dabe. Opila eta txokolatea banatzeko karpan egongo diran itsulapikoetan itxi ahal izango da ekarpena.
Doctor Deseok disko barria kaleratuko dau zezeilaren 15ean
2012-01-04 13:46 Musikea
Doctor Deseok disko barria kaleratuko dau zezeilaren 15ean, Al amanecer... seguir soñando izenburupean, taldeak webgunean bertan jakinarazo dauenez. Ganera, diskoak liburu berezia ekarriko dau, hainbat euskal idazle eta pintoreren lanakaz. Daborduko lan barria aurkezteko kontzertuen datak argitaratu ditue. Lehenengo zuzenekoa martiaren 16an egingo dabe, Elorrioko Arriola antzokian
'Plataforma con A' ekimena aurkeztuko dabe Donostian hilaren 28an
2012-01-04 11:29 kulturbiz
Euskal Artea eta Emakumea ingurune profesionalean izeneko topaketea egin eben hainbat taldek zemendiaren 25ean, Troconiz fundazinoaren ekimenez. Emakumea ikusgai izateko estrategiak eta ekintzak gauzatu behar dirala ondorioztau eben batzarrean. Plataforma con A ekimena aurkezteko hitzordua ipini baddri dabe: urtarrilaren 28an, Donostian.
Bizkaiko 85 ikastetxek hartuko dabe parte 'Idazleakaz' ekimenean
2012-01-03 17:54 kulturbiz
Bizkaiko Foru Aldundiko Kultura Sailak eta Euskal Idazleen Alkarteak antolatutako Idazleakaz programan Bizkaiko 85 ikastetxek parte hartuko dabe, Aldundiko iturriek jakinarazo dabenez. Egitasmoak atal bi ditu: Idazleakaz eta Bi-2. Ekimenaren helburua irakurteko zaletasuna sustatzea eta euskal idazle ospetsuen lanak gazteei hurreratzea da.
The Pains of being Pure at Heart taldea, urteko lehenengo Art After Dark saioko protagonistak
2012-01-03 16:48 Musikea
Urteko lehenengo Art After Dark saioa egingo dabe barikuan, hilaren 6an, Bilboko Guggenheim Museoan, eta The Pains of being Pure at Heart, Alexander Kowalski eta DJ Kinki izango dira Errege eguneko protagonista nagusiak. Kontzertuak 22:00etan hasiko dira, eta 01:00ak inguru, amaitu.
Zaldubiren 'Prediku zenbait. Hazparnen eginak' sarean ipini dau Euskaltzaindiak
2012-01-03 14:46
Euskaltzaindiak Gratien Adema Zaldubi-ren Prediku zenbait. Hazparnen eginak (1854-1860) liburua webgunean ipini barri dau. Hain zuzen be, argitalpen digitala hemen konsultau daiteke.
Sakanako 'Guaixe' aldizkaria eta Beleixe irratia, egoera larrian
2012-01-03 13:52 kulturbiz
Sakanako Guaixe astekariak zenbaki berezia kaleratu dau asteon, argazki bakoa, hain zuzen be. Baina, ez, ez jake ahaztu irudiak sartzea, beste arrazoi bat dago, webgunean azaltzen dabenez: Hutsune horregaz protesta egin nahi dogu. Protesta Nafarroako Gobernuak bere legea urratu eta hizkuntzearen normalizazinoan ezinbesteko diran euskerazko hedabideak laguntza barik itxi ditualako.
Aurten 18 urte beteten dituenei 18 ikuskizunetara doban sartzeko aukerea emongo deutse Bilboko Udalak
2012-01-03 13:32 kulturbiz
2012an 18 urte beteko dituen gazte guztiek —2.600 inguru izango dirala aurreikusten da— txartel hori lortzeko egin beharko daben gauza bakarra www.kultura18.es webgunean sartu eta eskaria betetea izango da; beste aukera bat 010 zenbakira deituz eskatzea da.
Eszenako kudeaketea eta produkzinoari buruzko ikastaroa, BilbaoEszenan
2012-01-03 12:11 Kulturea
BilbaoEszena baliabide eszenikoen zentroak ikasturteko bigarren modulurako izena emoteko epea edegi barri dau. Ikastaroa eszenako kudeaketeari eta produkzinoari buruzkoa izango da. Prestakuntza tailerra urtarrilaren 16tik martiaren 19ra egingo da, BilbaoEszenan bertan.
Ba al dago zein ikastetxetan programatuta dagoen jakiterik? Edo zuzenago itauntzearren, Leioako ikastetxeren baten ere saiorik egongo da?
Erantzuna | Bizkaiko 85 ikastetxek hartuko dabe parte 'Idazleakaz' ekimenean